ಮಲ್ಪೆ : ಮಲ್ಪೆ ಪೊಲೀಸ್ ಠಾಣಾ ವ್ಯಾಪ್ತಿಯ ಆದಿ ಉಡುಪಿಯಲ್ಲಿ ಹತ್ತರ ಹರೆಯದ ಅಪ್ರಾಪ್ತ ಪ್ರಾಯದ ವಿದ್ಯಾಥರ್ಿನಿಯೋರ್ವಳ ಮೇಲೆ ವ್ಯಕ್ತಿಯೋರ್ವ ಬಲವಂತವಾಗಿ ಅತ್ಯಾಚಾರವೆಸಗಿದ ಕೃತ್ಯ ಕಳೆದ ಮೂರು ದಿನಗಳ ಹಿಂದೆ ನಡೆದಿದೆ ಎಂದು ತಿಳಿದುಬಂದಿದೆ.

ಬಲವಂತದ ಅತ್ಯಾಚಾರವೆಸಗಿದ ಆರೋಪಿ ವೃತ್ತಿಯಲ್ಲಿ ಚಾಲಕನಾಗಿದ್ದು, ಮೂಲತಹ ಉತ್ತರ ಕರ್ನಾಟಕದ ಮೂಲದವನಾಗಿದ್ದಾನೆ. ಈತನೆಸಗಿದ ಕೃತ್ಯದ ಬಗ್ಗೆ ವಿದ್ಯಾರ್ಥಿನಿ ತಡ ಮಡದೆ ಮನೆಯವರಲ್ಲಿ ಹೇಳಿದ ಕಾರಣ, ವಿಷಯ ಈತನ ಗಮನಕ್ಕೂ ಬಂದ ಕಾರಣ, ಅಪರಾಧ ಕೃತ್ಯವೆಸಗಿದ ಆರೋಪಿ ವ್ಯಕ್ತಿ ಬಳಿಕ ತಲೆಮರೆಸಿಕೊಂಡಿದ್ದಾನೆ ಎನ್ನಲಾಗಿದೆ.

ಅತ್ಯಾಚಾರ ಕೃತ್ಯದ ಬಗ್ಗೆ ಪೊಲೀಸರಿಗೆ ದೂರು ನೀಡಿದಲ್ಲಿ ವಿಷಯ ಮಾಧ್ಯಮಗಳಲ್ಲಿ ಭಿತ್ತರಗೊಂಡು ವಿದ್ಯಾರ್ಥಿನಿ ಭಾವೀ ಭವಿಷ್ಯಕ್ಕೆ ಸಮಸ್ಯೆಯಾಗಬಹುದು ಎಂಬ ಏಕೈಕ ಉದ್ಧೇಶದಿಂದ ಸಂತ್ರಸ್ತೆ ವಿದ್ಯಾರ್ಥಿನಿಯ ಮನೆಯವರು ವಿಷಯವನ್ನು ಇದುವರೆಗೂ ಪೊಲೀಸರಿಗೆ ತಿಳಿಸಿಲ್ಲವೆನ್ನಲಾಗಿದೆ.
ಚಿತ್ರ : ಸಾಂದರ್ಭಿಕ.

# http://www.udupibits.in ಸಂಪಾದಕೀಯ..
@ ಉಡುಪಿಯ ಸ್ಪಂದನ ಟಿವಿ ವಾಹಿನಿಯ ವರದಿಗಾರರಾದ ಪ್ರಭಾಕರ್ ಅವರ ಮೇಲೆ ಅಕ್ಟೋಬರ್ 28ರಂದು ಪೂರ್ವಾಹ್ನ ಬ್ರಹ್ಮಾವರ ಸರ್ಕಲ್ ಇನ್ಸ್ ಪೆಕ್ಟರ್ ಕಚೇರಿಯ ಪೊಲೀಸ್ ಕಾನ್ ಸ್ಟೇಬಲ್ ರವಿಚಂದ್ರ ಎಂಬವರು ಹಲ್ಲೆ ನಡೆಸಿದ ಪ್ರಕರಣ ನಡೆದಿದ್ದು, ಇದು ಅತ್ಯಂತ ಖಂಡನೀಯ ಮತ್ತು ಮಾನವ ಹಕ್ಕುಗಳ ಸ್ಪಷ್ಟ ಉಲ್ಲಂಘನೆಯಾಗಿದೆ.

ಪ್ರಭಾಕರ್ ಅವರು ಅಕ್ರಮ ಮರಳು ಮಾಫಿಯಾದ ಜೊತೆಗೆ ಬ್ರಹ್ಮಾವರ ಸರ್ಕಲ್ ಇನ್ಸ್ ಪೆಕ್ಟರ್ ಅರುಣ್ ಕುಮಾರ್ ಅವರು ಹೋದಿರುವ ಅಕ್ರಮ ಸಂಪರ್ಕ ಮತ್ತು ಕಾನೂನು ಬಾಹಿರ ಸಂಬಂಧದ ಬಗ್ಗೆ ಸಮಗ್ರ ಮಾಹಿತಿ ಕಲೆ ಹಾಕಿರುವುದನ್ನು ತಿಳಿದುಕೊಂಡ ಪೊಲೀಸರು, ವಿಷಯ ಬೆಳಕಿಗೆ ಬಂದರೆ ಮುಂದಕ್ಕೆ ಸಮಸ್ಯೆಗಳಾಗಬಹುದುದು ಎನ್ನುವುದನ್ನು ಅರಿತು ವಿಚಲಿತಗೊಂಡು ಹಲ್ಲೆ ಕೃತ್ಯ ನಡೆಸಿದ್ದಾರೆ. ಈ ಬೆಳವಣಿಗೆ, ಪೊಲೀಸರೇ ಇದೀಗ ಅಪಾಯಕಾರಿ ಕ್ರಿಮಿನಲ್
ಗಳಾಗುತ್ತಿದ್ದಾರೆ ಎನ್ನುವುದಕ್ಕೆ ಉಜ್ವಲ ಸಾಕ್ಷಿಯಾಗಿದೆ.

ಈ ವಿದ್ಯಾಮಾನವನ್ನು ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಪಿ.ರಾಜೇಂದ್ರ ಪ್ರಸಾದ್ ಅವರು ಕಡೆಗಣಿಸದೆ, ಗಂಭೀರವಾಗಿ ತೆಗೆದುಕೊಳ್ಳಬೇಕು. ಈ ಕೂಡಲೇ ಪೊಲೀಸ್ ಸಿಬ್ಬಂದಿ ರವಿಚಂದ್ರ ಅವರ ಮೇಲೆ ಮೊಕದ್ದಮೆ ದಾಖಲಿಸಿ, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಬೇಕು. ತಕ್ಷಣವೇ ಕರ್ತವ್ಯದಿಂದ ಅಮಾನತುಪಡಿಸಿ, ಇಲಾಖಾ ತನಿಖೆಗೆ ಆದೇಶಿಸಬೇಕು.

ಇದರ ಜೊತೆಗೆ, ಅಕ್ರಮ ಮರಳು ಮಾಫಿಯಾದೊಂದಿಗೆ ಕಾನೂನು ಬಾಹಿರ ಸಂಬಂಧ ಹೊಂದಿರುವ ಸಿಪಿಐ ಅರುಣ್ ಕುಮಾರ್ ಅವರನ್ನು ಕೂಡಾ ಕರ್ತವ್ಯದಿಂದ ಅಮಾನತುಪಡಿಸಬೇಕು ಮತ್ತು ಉನ್ನತ ಮಟ್ಟದ ತನಿಖೆಗೆ ಆದೇಶಿಸಬೇಕು.

ಇವಿಷ್ಟು ಕರ್ತವ್ಯವನ್ನು ಎಸ್ಪಿ ರಾಜೇಂದ್ರ ಪ್ರಸಾದ್ ಮಾಡದೇ ಹೋದರೆ, ಅಕ್ರಮ ಚಟುವಟಿಕೆಯಲ್ಲಿ ನಿರತರಾಗಿರುವ ಜಿಲ್ಲೆಯ ಪೊಲೀಸ್ ಅಧಿಕಾರಿಗಳು ಹಾಗೂ
ಸಿಬ್ಬಂದಿಗಳನ್ನು ಹದ್ದಬಸ್ತಿನಲ್ಲಿಡಲು ಯಾರಿಂದಲೂ ಸಾಧ್ಯವಿಲ್ಲದ ಅಪಾಯದ ಮಟ್ಟ ತಲುಪುವುದು ಖಚಿತ.

ಉನ್ನತ ಪೊಲೀಸ್ ಅಧಿಕಾರಿಗಳು, ಗೃಹ ಇಲಾಖೆಯ ಅಧಿಕಾರಿಗಳು ಇನ್ನಾದರೂ ಎಚ್ಚೆತ್ತುಕೊಂಡು ಪೊಲೀಸ್ ಇಲಾಖಾಧಿಕಾರಿಗಳ ಮೇಲೆ ಒಂದು ಹದ್ದಿನ ಕಣ್ಣಿಡುವ ಕೆಲಸ ಇಂದಿನ ತುರ್ತು.

- ಶ್ರೀರಾಮ ದಿವಾಣ,
ಸಂಪಾದಕ.

ಉಡುಪಿ: ತಾಮ್ರದ ಪುರಾತನ ಶ್ರೀನಿವಾಸ ಮತ್ತು ಪದ್ಮಾವತಿ ವಿಗ್ರಹಗಳನ್ನು ಮಾರಾಟ ಮಾಡಲು ಯತ್ನಿಸುತ್ತಿದ್ದ ಆರು ಮಂದಿಯನ್ನು ಉಡುಪಿ ಪೊಲೀಸರು ಉಡುಪಿ ನಗರದ ಕಲ್ಪನಾ ಲಾಡ್ಜ್ ನ ರೂಮೊಮದರಿಂದ ವಿಗ್ರಹಗಳ ಸಹಿತ ಬಂಧಿಸಿದ್ದಾರೆ.

ಭಟ್ಕಳದ ಮಹಾದೇವ ನಾಯ್ಕ್ (41), ಗದಗದ ಈಶ್ವರ ರೆಡ್ಡಿ (44), ಸುಳ್ಯ ಗುತ್ತಿಗಾರಿನ ಸದಾಶಿವ ಗೌಡ (35), ಉಡುಪಿ ಕೊಡವೂರಿನ ಶೇಖರ ಮೆಂಡನ್ (48 ), ಮುರ್ಡೇಶ್ವರದ ವೆಂಕಟೇಶ ಜಟ್ಟಪ್ಪ ನಾಯ್ಕ (27), ಹಾವೇರಿ ಕರ್ಜಗಿಯ ಬಸವರಾಜ್. ಎಸ್.ಹನಗೋಡಿಮಠ್ (40) ಬಂಧಿತರು.

ವಶಪಡಿಸಿಕೊಂಡ ವಿಗ್ರಹಗಳ ಮೌಲ್ಯ 5 ಲಕ್ಷ ರು. ಎಂದು ಅಂದಾಜಿಸಲಾಗಿದೆ. ನಿನ್ನೆ ಪೊಲೀಸರು ಇವರನ್ನು ಬಂಧಿಸಿದ್ದು, ಇಂದು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಯಿತು.

http://www.udupibits.in news

ಉಡುಪಿ: ಜಿಲ್ಲೆಯ ಎಲ್ಲಾ ಖಾಸಗಿ, ಅನುದಾನಿತ ಮತ್ತು ಅನುದಾನ ರಹಿತ ಶಾಲೆಗಳು ತಮ್ಮ ಶಾಲೆಗಳಿಗೆ ಸಿಬ್ಬಂದಿಗಳನ್ನು ನೇಮಕ ಮಾಡಿಕೊಳ್ಳುವ ಮುನ್ನ ಸದರಿ ಸಿಬ್ಬಂದಿಗಳ ಕುರಿತು ಪೊಲೀಸ್ ಇಲಾಖೆಯ ಪರಿಶೀಲನೆಯ ಪತ್ರ ಪಡೆಯಬೇಕು ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪಿ.ರಾಜೇಂದ್ರ ಪ್ರಸಾದ್ ಹೇಳಿದ್ದಾರೆ.

ಅವರು ಇಂದು ಜಿಲ್ಲಾಧಿಕಾರಿಗಳ ಕಚೇರಿಯಲ್ಲಿ ನಡೆದ ಜಿಲ್ಲಾ ಮಟ್ಟದ ಮಹಾಳ ಮತ್ತು ಮಕ್ಕಳ ಮೇಲಿನ ದೌರ್ಜನ್ಯ ತಡೆ ಹಾಗೂ ಪೋಕ್ಸೋ ಕಾಯಿದೆ ಅನುಷ್ಠಾನ ಕುರಿತ ಸಭೆಯಲ್ಲಿ ಮಾತನಾಡಿದರು.

ಇತ್ತೀಚೆಗೆ ಮಕ್ಕಳ ಮೇಲೆ ನಡೆಯುತ್ತಿರುವ ದೌರ್ಜನ್ಯ ಪ್ರಕರಣಗಳಿಗೆ ಶಾಲೆಯ ಕೆಳ ದರ್ಜೆಯ ಸಿಬ್ಬಂದಿಗಳು ಕಾರಣವಾಗುತ್ತಿದ್ದು, ಪ್ರತಿಯೊಂದು ವಿದ್ಯಾ ಸಂಸ್ಥೆಯು ಸಹ ತಮ್ಮಲ್ಲಿ ನೇಮಕ ಮಾಡಿಕೊಳ್ಳುವ ಶಿಕ್ಷಕರು ಹಾಗೂ ಶಿಕ್ಷಕೇತರ ಸಿಬ್ಬಂದಿಗಳ ಗುಣ, ನಡತೆಗಳ ಬಗ್ಗೆ ಪೊಲೀಸ್ ಇಲಾಖೆಯಿಂದ ಪರಿಶೀಲನ ಪ್ರಮಾಣ ಪತ್ರವನ್ನು ಪಡೆಯುವಂತೆ ತಿಳಿಸಿದರು.

ಮಕ್ಕಳಿಗೆ ತಮ್ಮ ಮೇಲೆ ನಡೆಯುವ ದೌರ್ಜನ್ಯದ ಅರಿವು ಇರುವುದಿಲ್ಲ. ಅಲ್ಲದೇ ಈ ರೀತಿಯ ದೌರ್ಜನ್ಯಗಳು ನಡೆದಾಗ ಪೋಷಕರೂ ಸಹ ಹೇಗೆ ಪ್ರತಿಕ್ರಿಯಿಸಬೇಕೆಂಬ ಅರಿವು ಇರುವುದಿಲ್ಲ. ಆದರೆ ಪೋಕ್ಸೋ ಕಾಯಿದೆಯ ಸೆಕ್ಷನ್ 21 ರ ಪ್ರಕಾರ ಮಕ್ಕಳ ದೌರ್ಜನ್ಯದ ಬಗ್ಗೆ ಮಾಹಿತಿ ನೀಡುವುದು ಪ್ರತಿಯೊಬ್ಬರ ಕರ್ತವ್ಯ. ಈ ಕುರಿತು ಪ್ರಕರಣ ಮುಚ್ಚಿಹಾಕಲು ಪ್ರಯತ್ನಿಸುವ ಪೊಲೀಸ್ ಅಧಿಕಾರಿ, ವೈದ್ಯಾಧಿಕಾರಿ, ಪೋಷಕರು, ಶಿಕ್ಷಣ ಸಂಸ್ಥೆಗಳು ಎಲ್ಲರನ್ನೂ ಸಹ ಶಿಕ್ಷಿಸಬಹುದಾಗಿದೆ ಎಂದು ಅವರು ಹೇಳಿದರು.

ಶಾಲಾ ಆವರಣದಲ್ಲಿ ದೂರು ಪೆಟ್ಟಿಗೆಗಳನ್ನು ಇಡುವುದು, ಶಾಲೆಯಲ್ಲಿ ನಡೆಯುವ ರ್ಯಾಗಿಂಗ್ ಪ್ರಕರಣಗಳ ಕುರಿತು ಸಮೀಪದ ಪೊಲೀಸ್ ಠಾಣೆಗೆ ಮಾಹಿತಿ ನೀಡುವದರ ಮೂಲಕ ಈ ರೀತಿಯ ದೌರ್ಜನ್ಯ ತಡೆಯಬಹುದಾಗಿದೆ. ಶಾಲಾ ಆವರಣದಲ್ಲಿ ಮಕ್ಕಳು ಮೊಬೈಲ್ ಬಳಸುವುದನ್ನು ಸಂಪೂರ್ಣವಾಗಿ ನಿಷೇಧಿಸಬೇಕು ಹಾಗೂ ಶಾಲಾ ಪ್ರಾರಂಭ ಮತ್ತು ಶಾಲೆ ಮುಕ್ತಾಯದ ನಂತರ ಶಾಲೆಯ ಬಳಿ ಪೊಲೀಸ್ ಗಸ್ತು ಮಾಡಲಾಗುವುದು ಎಂದು ಎಸ್ಪಿ ರಾಜೇಂದ್ರ ಪ್ರಸಾದ್ ಸ್ಪಷ್ಟಪಡಿಸಿದರು.

ಜಿಲ್ಲೆಯನ್ನು ಮಕ್ಕಳ ಮತ್ತು ಮಹಿಳೆಯರ ಮೇಲಿನ ದೌರ್ಜನ್ಯದಿಂದ ಸಂಪೂರ್ಣ ಮುಕ್ತವಾಗಿಸಲು ಕ್ರಿಯ ಯೋಜನೆಯನ್ನು ರೂಪಿಸಲಾಗಿದೆ. ಅದರಂತೆ ಜಿಲ್ಲೆಯ ಎಲ್ಲಾ ಜಿಲ್ಲಾ ಮಟ್ಟದ ಅಧಿಕಾರಿಗಳು, ತಾಲೂಕು ಮಟ್ಟದ ಅಧಿಕಾರಿಗಳು, ಶಿಕ್ಷಣ ಸಂಸ್ಥೆಗಳ ಮುಖ್ಯಸ್ಥರು, ಅಂಗನವಾಡಿ, ಆಶಾ ಹಾಗೂ ಸ್ತ್ರೀಶಕ್ತಿ ಗುಂಪುಗಳ ಸದಸ್ಯರಿಗೆ ಈ ಕುರಿತು ಅರಿವು ಮೂಡಿಸಲು ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುವುದು ಎಂದು ಜಿಲ್ಲಾಧಿಕಾರಿ ಎಸ್.ಎಸ್. ಪಟ್ಟಣ ಶೆಟ್ಟಿ ಹೇಳಿದರು.

ರಾಜ್ಯದ ಮಹಿಳಾ ಹಕ್ಕುಗಳ ಆಯೋಗದ ಸದಸ್ಯೆ ವನಿತಾ ತೋರ್ವಿರವರು ಮಾತನಾಡಿ ಜಿಲ್ಲೆಯಲ್ಲಿ ಬಿಕ್ಷಾಟನೆಗೆ ಬಾಲ ಕಾರ್ಮಿಕರನ್ನು ಬಳಸಿಕೊಂಡು ದೌರ್ಜನ್ಯ ಎಸಗುತ್ತಿದ್ದು, ಈ ಕುರಿತು ಕ್ರಮ ಕೈಗೊಳ್ಳುವಂತೆ ಹಾಗೂ ಪೋಕ್ಸೋ ಕಾಯದೆಯ ಕುರಿತು ರಾಜ್ಯದಾದ್ಯಂತ ಅರಿವು ಮೂಡಿಸಲು ಕಾರ್ಯಕ್ರಮ ಏರ್ಪಡಿಸಲಾಗುವುದು ಮತ್ತು ರಾಜ್ಯಾದ್ಯಂತ ಜಾಹೀರಾತುಗಳ ಮೂಲಕ ಜನರಿಗೆ ಹೆಚ್ಚಿನ ಅರಿವು ಮೂಡಿಸಲಾಗುವುದು. ಜಿಲ್ಲೆಯಲ್ಲಿ ನವೆಂಬರ್ ಮಾಹೆಯಲ್ಲಿ ಪ್ರತ್ಯೇಕ ಕಾರ್ಯಾಗಾರ ನಡೆಸಲಾಗುವುದು ಎಂದು ಅವರು ಹೇಳಿದರು.

ಜಿಲ್ಲಾ ವಿದ್ಯಾಂಗ ಇಲಾಖೆಯ ಉಪ ನಿರ್ದೇಶಕ ದಿವಾಕರ ಶೆಟ್ಟಿ ಮಾತನಾಡಿ, ಜಿಲ್ಲೆಯ ಎಲ್ಲಾ ಖಾಸಗಿ, ಅನುದಾನಿತ ಮತ್ತು ಅನುದಾನ ರಹಿತ ಶಾಲೆಗಳಲ್ಲಿ ಅಕ್ಟೋಬರ್ 31 ರ ಒಳಗೆ ಕಡ್ಡಾಯವಾಗಿ ಸಿಸಿ ಟಿವಿ ಅಳವಡಿಸಿಕೊಳ್ಳುವಂತೆ ಸೂಚಿಸಿದ್ದು, ತಪ್ಪಿದ್ದಲ್ಲಿ ಅಂತಹ ಶಾಲೆಗಳಿಗೆ ಸರಕಾರದಿಂದ ನೀಡುವ ವೇತನ, ಅನುದಾನ ಮತ್ತಿತರ ಸೌಲಭ್ಯಗಳನ್ನು ತಡೆಹಿಡಿಯುವ ಕುರಿತು ಸೂಚಿಸಲಾಗಿದೆ. ಅಲ್ಲದೇ ಜಿಲ್ಲೆಯ ಎಲ್ಲಾ ಶಾಲೆಗಳಲ್ಲಿ ಸಲಹಾ ಪೆಟ್ಟಿಗೆ ಅಳವಡಿಸಲು ಕ್ರಮ ಕೈಗೊಳ್ಳಲಾಗಿದೆ ಎಂದು ಹೇಳಿದರು.

ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಕುಮಾರ, ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ (ಪ್ರಭಾರ) ವಿಜಯ ಕುಮಾರ್ ಶೆಟ್ಟಿ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪ ನಿರ್ದೇಶಕರಾದ ಗ್ರೇಸಿ ಎಲ್.ಗೊನ್ಸಾಲ್ವಿಸ್, ತಾಲೂಕು ಪಂಚಾಯತ್ ಕಾರ್ಯ ನಿರ್ವಹಣಾಧಿಕಾರಿ ರಾಜೇಂದ್ರ ಬೇಕಲ್, ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಉಪ ನಿರ್ದೇಶಕ ಎಸ್.ಎಸ್. ಶೀಂಧಾ ಸೇರಿದಂತೆ ವಿವಿಧ ಜಿಲ್ಲಾ ಮತ್ತು ತಾಲೂಕು ಮಟ್ಟದ ಅಧಿಕಾರಿಗಳು ಹಾಗೂ ನಮ್ಮ ಭೂಮಿ, ಸ್ಪೂರ್ತಿಧಾಮ ಸೇರಿದಂತೆ ವಿವಿಧ ಸ್ವಯಂ ಸೇವಾ ಸಂಸ್ಥೆಗಳ ಪ್ರತಿನಿಧಿಗಳು ಮತ್ತು ಶಾಲೆಗಳ ಪ್ರತಿನಿಧಿಗಳು ಹಾಜರಿದ್ದರು.

http://www.udupibits.in news
ಉಡುಪಿ: ಕೈಗಾರಿಕೋದ್ಯಮಿಗಳು, ಅಧಿಕಾರಿಗಳು, ಶ್ರೀಮಂತರು ಸುಳ್ಳು ದಾಖಲೆ ಸೃಷ್ಟಿಸಿ ಮತ್ತು ಕಾನೂನಿನ ಕಣ್ಣಿಗೆ ಮಣ್ಣೆರಚಿ ನೂರಾರು, ಸಾವಿರಾರು ಎಕರೆ ಸರಕಾರಿ ಭೂಮಿಯನ್ನು ಕಬಳಿಸಿದ್ದಾರೆ. ಹೀಗೆ ಕಬಳಿಸಿರುವ ಭೂಮಿಯನ್ನು ಯಾವುದೇ ರಿಯಾಯಿತಿಯೂ ಮಾಡದೆ ನಿರ್ದಾಕ್ಷಿಣ್ಯವಾಗಿ ಸರಕಾರ ಸ್ವಾಧೀನಪಡಿಸಿಕೊಳ್ಳಬೇಕು. ಸ್ವಾಧೀನಪಡಿಸಿಕೊಂಡ ಭೂಮಿಯನ್ನು ನಿವೇಶನ ರಹಿತರಿಗೆ ವಿತರಿಸಲು ಬಳಕೆ ಮಾಡಬೇಕು ಎಂದು ಕರ್ನಾಟಕ ಪ್ರಾಂತ ಕೃಷಿ ಕೂಲಿಕಾರರ ಸಂಘದ ರಾಜ್ಯ ನಾಯಕ ನಿತ್ಯಾನಂದ ಸ್ವಾಮಿ ರಾಜ್ಯ ಸರಕಾರವನ್ನು ಆಗ್ರಹಿಸಿದ್ದಾರೆ.

10 ಎಕರೆಗಿಂತ ಕಡಿಮೆ ಭೂಮಿಯಲ್ಲಿ ಅಕ್ರಮ ಸಾಗುವಳಿ ಮಾಡುವವರಿಗೆ ಭೂಮಿಯ ಹಕ್ಕುಪತ್ರ ಕೊಡಬೇಕು, ಒಕ್ಕಲೆಬ್ಬಿಸುವ ಪ್ರಯತ್ನ ಕೈಬಿಡಬೇಕು, ಬಡ ನಿವೇಶನ ರಹಿತರಲ್ಲಿ ಗ್ರಾಮ ಪಂಚಾಯತ್ ಮಟ್ಟದಲ್ಲಿ ಅರ್ಹತೆ ಇದ್ದವರ ಪಟ್ಟಿ ಮಾಡಿ ಕೊಡಬೇಕು ಮತ್ತು ನಿವೇಶನ ವಿತರಿಸಲು ತುತರ್ು ಕ್ರಮ ಕೈಗೊಳ್ಳಬೇಕು ಎಂಬಿತ್ಯಾದಿ ವಿವಿಧ ಬೇಡಿಕೆಗಳನ್ನು ಮುಂದಿಟ್ಟು ಸಂಘದ ಉಡುಪಿ ತಾಲೂಕು ಸಮಿತಿಯ ವತಿಯಿಂದ ಉಡುಪಿ ತಾಲೂಕು ಕಚೇರಿ ಮುಂದೆ ಆರಂಭಿಸಲಾದ ಅನಿರ್ಧಿಷ್ಟಾವಧಿ ಧರಣಿಯ ಎರಡನೇ ದಿನವಾದ ಇಂದು (28.10.2014) ಪೂರ್ವಾಹ್ನ ನಿತ್ಯಾನಂದ ಸ್ವಾಮಿ ಮಾತನಾಡಿದರು.

ಸುಪ್ರೀಂ ಕೋರ್ಟ್ ಆದೇಶವನ್ನು ಮುಮದಿಟ್ಟುಕೊಂಡು ರಾಜ್ಯ ಸರಕಾರ ಬಗರ್ ಹುಕುಂ ಸಾಗುವಳಿದಾರರನ್ನು ಒಕ್ಕಲೆಬ್ಬಿಸುವ ಕೆಲಸ ಮಾಡುತ್ತಿದೆ. ಬಗರ್ ಹುಕುಂ ಸಾಗುವಳಿದಾರರು ಜೀವನ ನಿರ್ವಹಣೆಗಾಗಿ ಒಂದೆರಡು ಎಕರೆ ಭೂಮಿಯಲ್ಲಿ ಸಾಗುವಳಿ ಮಾಡುವವರಾಗಿದ್ದು, ಇವರನ್ನು ಒಕ್ಕಲೆಬ್ಬಿಸಲು ನೋಟೀಸ್ ಮಾಡುವ ಸರಕಾರ, ಸಾವಿರಾರು ಎಕರೆ ಭೂಮಿಯನ್ನು ಅತಿಕ್ರಮಣ ಮಾಡಿಕೊಂಡಿರುವ ಶ್ರೀಮಂತ ಭೂಗಳ್ಳರಿಗೆ ಮಾತ್ರ ನೋಟೀಸ್ ಮಾಡುತ್ತಿಲ್ಲ. ಭೂಗಳ್ಳರೊಂದಿಗೆ ಬಗರ್ ಹುಕುಂ ಸಾಗುವಳಿದಾರರನ್ನು ಹೋಲಿಸಬಾರದು ಎಂದು ನಿತ್ಯಾನಂದ ಸ್ವಾಮಿ ಮನವಿ ಮಾಡಿದರು.

ಸರಕಾರ ಬದಲಾಗಬಹುದು, ಆದರೆ ಭೂಮಿಗೆ ಸಂಬಂಧಿಸಿದಂತೆ ಸರಕಾರದ ಧೋರಣೆ ಬದಲಾಗುವವರೆಗೂ, ನಿವೇಶನದ ವಿಷಯ ತಾರ್ಕಿಕ ಅಂತ್ಯ ಕಾಣುವವರೆಗೂ ಸಂಘ ನಿವೇಶನ ರಹಿತರ ಪರವಾದ ಹೋರಾಟವನ್ನು ಮುಂದುವರಿಸಲಿದೆ. ಸರಕಾರ ಅಕ್ರಮ ಸಕ್ರಮಕ್ಕೆ ಇದೀಗ ಮುಂದಾಗಿದ್ದು, ಇದು ಸಂಗದ ಹೋರಾಟಕ್ಕೆ ಸಂದ ಜಯವಾಗಿದೆ ಎಂದು ನಿತ್ಯಾನಂದ ಸ್ವಾಮಿ ತಿಳಿಸಿದರು.

ಸಂಘದ ಪ್ರಮುಖರಾದ ಕೆ.ಶಂಕರ್, ಬಾಲಕೃಷ್ಣ ಶೆಟ್ಟಿ, ಎಚ್.ವಿಠಲ, ಕೆ.ಲಕ್ಷ್ಮಣ್, ವಿದ್ಯಾರಾಜ್ ಮೊದಲಾದವರು ಧರಣಿಯ ನೇತೃತ್ವ ವಹಿಸಿದ್ದರು.

ಉಡುಪಿ ಜಿಲ್ಲೆಯಲ್ಲಿ ಕುಂದಾಪುರ ಮತ್ತು ಉಡುಪಿ ತಾಲೂಕು ಕಚೇರಿ ಮುಂದೆ ಕರ್ನಾಟಕ ಪ್ರಾಂತ ಕೃಷಿ ಕೂಲಿಕಾರರ ಸಂಘದ ವತಿಯಿಂದ ನಿವೇಶನ ರಹಿತರ ಪರವಾದ ಅನಿರ್ಧಿಷ್ಟಾವಧಿ ಧರಣಿ ನಡೆಯುತ್ತಿದೆ.

http://www.udupibits.in news

ಉಡುಪಿ: ಪ್ರತೀ ವರ್ಷದಂತೆ ಈ ವರ್ಷವು ಉಡುಪಿ ಜಿಲ್ಲೆಯಲ್ಲಿ ಸಾಕಷ್ಟು ಸಂಖ್ಯೆಯ ಭತ್ತ ಕಠಾವು ಯಂತ್ರಗಳು ಬಂದಿದ್ದರೂ, ಮದ್ಯವರ್ತಿಗಳು ಹೆಚ್ಚಾಗಿದ್ದು, ರೈತರಿಂದ ಮನಬಂದಂತೆ ಬಾಡಿಗೆ ವಸೂಲಿ ಮಾಡುವ ವ್ಯೆವಸ್ಥೆ ಅವ್ಯಾಹತವಾಗಿ ನಡೆದುಕೊಂಡೇ ಬಂದಿದೆ. ಈ ಬಗ್ಗೆ ಹಿಂದಿನ ವರ್ಷಗಳಂತೆ ಈ ವರ್ಷವೂ ದರ ನಿಯಂತ್ರಣಕ್ಕೆ ರೈತರಿಂದ ಹಾಗೂ ಭಾರತೀಯ ಕಿಸಾನ್ ಸಂಘದ ಗ್ರಾಮ ಸಮಿತಿಗಳಿಂದ ಬೇಡಿಕೆಗಳು ಬಂದ ಕಾರಣ ಸಂಘಟನೆ, ಯಂತ್ರ
ಸರಬರಾಜುದಾರರೊಂದಿಗೆ ಮಾತುಕತೆ ನಡೆಸಿದೆ ಎಂದು ಸಂಘದ ಪ್ರಧಾನ ಕಾರ್ಯದರ್ಶಿ ಸತ್ಯನಾರಾಯಣ ಉಡುಪ ಜಫ್ತಿ ತಿಳಿಸಿದ್ದಾರೆ.

ಜಿಲ್ಲೆಯಲ್ಲಿ ಈಗಾಗಲೇ ಪ್ರಾರಂಭವಾದ ಯಂತ್ರಗಳ ಬಾಡಿಗೆ ಕೇಂದ್ರಗಳ ಪೈಕಿ, ಅಜೆಕಾರಿನ ಕೇಂದ್ರದಲ್ಲಿ ಮಾತ್ರ ಕಠಾವು ಯಂತ್ರ ಬಂದಿದ್ದರೂ, ನುರಿತ ಚಾಲಕರ ಸಮಸ್ಯೆಯಿಂದ ರೈತರಿಗೆ ಈ ಬಾರಿ ಅದರ ಪ್ರಯೋಜನ ಸಿಗುವ ಸಾಧ್ಯತೆ ಕಡಿಮೆ ಎಂದು ಕೃಷಿ ಅಧಿಕಾರಿಗಳು ಅಭಿಪ್ರಾಯ ಪಟ್ಟಿದ್ದಾರೆ. ಅಲ್ಲದೇ ಜಿಲ್ಲೆಯ ಮೂರು ಕಡೆ ಪ್ರಾರಂಭವಾಗುವ ಬಾಡಿಗೆ ಕೇಂದ್ರಗಳ ಮೂಲಕ ಲಭ್ಯವಾಗುವ ಕಠಾವು ಯಂತ್ರಗಳು ಜಿಲ್ಲೆಯ ರೈತರ ಸಂಪೂರ್ಣ
ಬೇಡಿಕೆಗಳನ್ನು ಪೂರೈಸಲೂ ಕೂಡ ಅಸಾಧ್ಯವಾಗಿದೆ. ಬಾಡಿಗೆ ಕೇಂದ್ರಗಳು ಭತ್ತ ಕಠಾವು ಯಂತ್ರಗಳಿಗೆ ಪ್ರತೀ ಗಂಟೆಗೆ 1600 ರು. ಬಾಡಿಗೆ ನಿಗದಿಪಡಿಸಿದ್ದು, ರೈತರು ಮುಂಚಿತವಾಗಿ ಬುಕ್ ಮಾಡಿ, 20 % ಹಣವನ್ನು ಮುಂಗಡ ಠೇವಣಿಯಾಗಿ ಇಡಬೇಕಾಗಿದೆ ಎಂದು ಸತ್ಯನಾರಾಯಣ ಉಡುಪ ವಿವರ ನೀಡಿದ್ದಾರೆ.

ಮಳೆಯ ಕಾರಣ ಕಠಾವು ವಿಳಂಬವಾಗಿದ್ದಲ್ಲದೇ, ಹವಾಮಾನ ಇಲಾಖೆಯ ಸೂಚನೆಯಂತೆ ಮುಂದಿನ ವಾರದಲ್ಲಿ ಪುನ: ಮಳೆ ಪ್ರಾರಂಭವಾಗಬಹುದೆಂಬ ಆತಂಕದಲ್ಲಿ ರೈತರು ಪೈಪೋಟಿಗೆ ಬಿದ್ದವರಂತೆ ಕಠಾವಿಗೆ ಮುಂದಾಗಿದ್ದಾರೆ. ಇದನ್ನೆ ನೆಪವಾಗಿಟ್ಟುಕೊಂಡು, ಯಂತ್ರ ಬಾಡಿಗೆದಾರರು ಬಾಡಿಗೆಯನ್ನು 2500 ರು.ಗಳಿಂದ 2800 ರು.ಗಳವರೆಗೆ ಪ್ರತಿ ಗಂಟೆಗೆ ರೈತರಿಂದ ವಸೂಲಿ ಮಾಡುತ್ತಿರುವ ಬಗ್ಗೆ ದೂರುಗಳು ಬಂದಿವೆ ಎಂದು ಉಡುಪ ಮಾಹಿತಿ ನೀಡಿದ್ದಾರೆ.

ಈ ಕಾರಣದಿಂದ ಭಾರತೀಯ ಕಿಸಾನ್ ಸಂಘದ ಉಡುಪಿ ಜಿಲ್ಲಾ ಸಮಿತಿಯ ಪದಾಧಿಕಾರಿಗಳು ಹಿರಿಯಡ್ಕ ಮುಂಡಾಜೆಯ ಸುರೇಶ ನಾಯಕ್ ನೇತೃತ್ವದಲ್ಲಿ ಕೆಲವು ಯಂತ್ರ ಸರಬರಾಜುದಾರರನ್ನು ಸಂಪರ್ಕಿಸಿ, ಮಾತುಕತೆ ನೆಡೆಸಿತು. ಭಾರತೀಯ ಕಿಸಾನ್ ಸಂಘದ ಗ್ರಾಮ ಸಮಿತಿಗಳ ಮೂಲಕ ಅಥವಾ ಗ್ರಾಮಗಳ ರೈತರು ಒಂದು ಗುಂಪಾಗಿ ತಮಗೆ ಅಗತ್ಯವಿರುವಷ್ಟು ಯಂತ್ರಗಳನ್ನು ತಿಳಿಸಿದಲ್ಲಿ, 2000 ರು.ಗಳಿಂದ 2200 ರು.ಗಳ ಗರಿಷ್ಠ ದರದಲ್ಲಿ ಭತ್ತ ಕಠಾವು ಯಂತ್ರಗಳನ್ನು ಒದಗಿಸಿಕೊಡಲು ಸರಬರಾಜುದಾರರು ಒಪ್ಪಿಗೆ ಸೂಚಿಸಿದ್ದಾರೆ ಎಂದು ಉಡುಪ ಸ್ಪಷ್ಟಪಡಿಸಿದ್ದಾರೆ.

ಈ ಹಾರ್ವೆಸ್ಟ್ರ್ ಯಂತ್ರಗಳು ಬೆಲ್ಟ್ ಆಧಾರಿತವಾಗಿದ್ದು, ನೀರಿರುವ ಗದ್ದೆಗಳಲ್ಲೂ ಕಟಾವು ಮಾಡಲು ಸಾಧ್ಯವಿದೆ. ಅದೇ ರೀತಿ ಟಯರ್ ಆಧಾರಿತ ಯಂತ್ರಗಳನ್ನು ಬೇಕಿದ್ದರೆ ತರಿಸಲು ತಯಾರಿದ್ದು, ಅದನ್ನು ಪ್ರತಿ ಗಂಟೆಗೆ 1800 ರು.ಗಳಂತೆ ಬಾಡಿಗೆಗೆ ನೀಡಲೂ ಸಾಧ್ಯವಿರುವುದಾಗಿ ಯಂತ್ರ ಸರಬರಾಜುದಾರರು ತಿಳಿಸಿದ್ದರೂ, ನೀರಿನ ಗದ್ದೆಗಳಲ್ಲಿ ಕಠಾವು ಮಾಡಲು ಕಷ್ಟಸಾಧ್ಯವೆಂದು ಮಾತುಕತೆಯಲ್ಲಿ ಅಭಿಪ್ರಾಯಕ್ಕೆ ಬರಲಾಯಿತು ಎಂದು ಉಡುಪ ತಿಳಿಸಿದ್ದಾರೆ.

ಈ ರೀತಿ ಭಾರತೀಯ ಕಿಸಾನ್ ಸಂಘದ ಗ್ರಾಮ ಸಮಿತಿಗಳ ಮೂಲಕ ಅಥವಾ ಗ್ರಾಮಗಳ ರೈತರು ಒಂದು ಗುಂಪಾಗಿ, ಕಠಾವು ಯಂತ್ರಕ್ಕೆ ಬೇಡಿಕೆ ಸಲ್ಲಿಸಿದರೆ ಅಂತಹ ರೈತರ ಗುಂಪಿಗೆ ಯಂತ್ರಗಳನ್ನು ಒದಗಿಸುವ ನಿಟ್ಟಿನಲ್ಲಿ ಎಲ್ಲಾ ಸಹಕಾರ ನೀಡಲು ಸಂಘಟನೆ ತಯಾರಿದೆ. ಹೆಚ್ಚು ಹೆಚ್ಚು ಕಠಾವು ಪ್ರದೇಶಗಳಿದ್ದಲ್ಲಿ, ಕನಿಷ್ಠ ಬಾಡಿಗೆಗೆ ಯಂತ್ರ
ಸರಬರಾಜುದಾರರು ಮುಂದಾಗುತ್ತಾರೆ. ಇದಕ್ಕಿಂತ ಕಡಿಮೆ ದರದಲ್ಲಿ ಕಠಾವು ಯಂತ್ರಗಳನ್ನು ಒದಗಿಸಲು ಯಾವುದೇ ಯಂತ್ರ ಸರಬರಾಜುದಾರರು ತಯಾರಿದ್ದರೆ, ಆ ಬಗ್ಗೆ ಸಂಪರ್ಕಿಸಿದಲ್ಲಿ ರೈತರ ಹಿತದೃಷ್ಠಿಯಿಂದ ಅಂತಹವರ ಮಾಹಿತಿಯನ್ನೂಪ್ರಕಟ ಮಾಡಲು ಸಂಘಟನೆ ಬದ್ದವಾಗಿದೆ ಎಂದು ಭಾರತೀಯ ಕಿಸಾನ್ ಸಂಘದ ಉಡುಪಿ ಜಿಲ್ಲಾ ಸಮಿತಿಯ ಅಧ್ಯಕ್ಷರಾದ ಬಿ.ವಿ.ಪೂಜಾರಿ ಪೆರ್ಡೂರು ಹಾಗೂ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸತ್ಯನಾರಾಯಣ ಉಡುಪ ಜಪ್ತಿ ಅವರು ಜಂಟಿ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿರುತ್ತಾರೆ.

ಈ ಬಗ್ಗೆ ಸುರೇಶ ನಾಯಕ್ (9480016147, 8971465847), ಭಾ.ಕಿ. ಸಂ.ಪದಾಧಿಕಾರಿಗಳಾದ ಸತ್ಯನಾರಾಯಣ ಉಡುಪ ಜಪ್ತಿ (9448843888), ಕುಂದಾಪುರ ತಾಲೂಕಿನ ಪ್ರ.ಕಾರ್ಯದರ್ಶಿ ವೆಂಕಟೇಶ ಹೆಬ್ಬಾರ್ ಹೊಸ್ಕೋಟೆ (9844425186), ಉಡುಪಿ ತಾಲೂಕಿನ ಪ್ರ.ಕಾರ್ಯದರ್ಶಿ ಆಸ್ತೀಕ ಶಾಸ್ತ್ರಿ ಗುಂಡ್ಮಿ (9019646953), ಕಾರ್ಕಳ ತಾಲೂಕಿನ ಪ್ರ. ಕಾರ್ಯದರ್ಶಿ ಗೋವಿಂದರಾಜ್ ಭಟ್ ಕಡ್ತಲ (9880232804), ಉಡುಪಿ ಕಾರ್ಯಾಲಯ (0820-2536450), ಕಾರ್ಕಳ ಕಾರ್ಯಾಲಯ (08258-233035), ಕುಂದಾಪುರ ಕಾರ್ಯಾಲಯ (08254-235469) ಗಳಿಗೆ ಸಂಪರ್ಕಿಸಬಹುದೆಂದು ಭಾ. ಕಿ. ಸಂ. ಪ್ರಕಟಣೆಯಲ್ಲಿ ತಿಳಿಸಿದೆ.

ಕಳೆದ ಮೂರು ವರ್ಷಗಳಿಂದ ಜಿಲ್ಲಾಡಳಿತ ಹಾಗೂ ಕೃಷಿ ಇಲಾಖೆಗೆ ಈ ಬಗ್ಗೆ ಸಂಘಟನೆ ಮನವಿ ಮಾಡಿಕೊಳ್ಳುತ್ತಿದ್ದು, ಕಳೆದ ವರ್ಷ ಕೃಷಿ ಇಲಾಖಾ ಜಂಟಿ ನಿರ್ದೇಶಕರು ಸಭೆ ಕರೆದಿದ್ದರೂ, ಯಂತ್ರ ಸರಬರಾಜುದಾರರ್ಯಾರೂ ಬಾರದ ಕಾರಣ ಗೊಂದಲದಲ್ಲಿ ಕೊನೆಗೊಂಡಿತ್ತು. ಆದರೆ ಈ ವರ್ಷ ಜಿಲ್ಲಾಧಿಕಾರಿಗಳು ಅಕ್ಟೋಬರ್ 29ರಂದು ಮಧ್ಯಾಹ್ನ 12 ಗಂಟೆಗೆ ಜಿಲ್ಲಾಧಿಕಾರಿಗಳ ಕಛೇರಿಯಲ್ಲಿ ರೈತ ಪ್ರತಿನಿಧಿಗಳ ಹಾಗೂ ಯಂತ್ರ ಸರಬರಾಜುದಾರ ಸಭೆ ಕರೆದಿರುವ ಬಗ್ಗೆ ಸಂಘಟನೆಗೆ ಆಮಂತ್ರಣ ಬಂದಿದೆಯಾದರೂ ಈ ಪ್ರಯತ್ನ ಮೊದಲೇ ಆಗ ಬೇಕಿತ್ತು, ಈಗ ವಿಳಂಬವಾಯಿತು ಎಂದು ಸಂಘಟನೆ ಅಬಿಪ್ರಾಯಪಟ್ಟಿದೆ.

ಉಡುಪಿ: ಬೆಲೆಬಾಳುವ ಅಮೂಲ್ಯ ಪದ್ಮಾವತಿ ಮತ್ತು ವೆಂಕಟೇಶ ದೇವರ ವಿಗ್ರಹಗಳನ್ನು ಅಕ್ರಮವಾಗಿ ಕಳ್ಳ ಸಾಗಾಟ ನಡೆಸಿ ಕಾನೂನು ಬಾಹಿರವಾಗಿ ಮಾರಾಟ ಮಾಡುತ್ತಿದ್ದ ಆರು ಮಂದಿಯ ವಿಗ್ರಹ ಕಳ್ಳಸಾಗಾಟ ಮತ್ತು ಮಾರಾಟಗಾರರ ತಂಡವೊಂದನ್ನು ಉಡುಪಿ ಪೊಲೀಸರು ಅಕ್ಟೋಬರ್ 27ರಂದು ಉಡುಪಿ ನಗರದಲ್ಲಿ ರೆಡ್ ಹ್ಯಾಂಡಾಗಿ ಬಂಧಿಸಿದ್ದಾರೆ.

ಬಂಧಿತರನ್ನು ಇಂದು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುತ್ತಿದೆ.