ಹಿರಿಯಡ್ಕ ಪಿ.ಎಸ್.ಐ ರಫೀಕ್ ವಿರುದ್ಧ ದೂರು

Posted: August 18, 2014 in Uncategorized

ಉಡುಪಿ: ನ್ಯಾಯ ಕೇಳಲು ಪೊಲೀಸ್ ಠಾಣೆಗೆ ಹೋದ ದಲಿತರೊಂದಿಗೆ ಅನುಚಿತವಾಗಿ ವರ್ತಿಸಿದ ಹಿರಿಯಡ್ಕ ಪೊಲೀಸ್ ಠಾಣೆಯ ನೂತನ ಸಬ್ ಇನ್ಸ್ ಪೆಕ್ಟರ್ ರಫೀಕ್ ವಿರುದ್ಧ ಸೂಕ್ತ ಶಿಸ್ತು ಕ್ರಮ ತೆಗೆದುಕೊಳ್ಳಬೇಕು ಎಂದು ಆಗ್ರಹಿಸಿ ಸ್ಥಳೀಯ ಕರ್ನಾಟಕ ದಲಿತ ಸಂಘರ್ಷ ಸಮಿತಿಯು ರಾಜ್ಯದ ಗೃಹ ಸಚಿವ ಕೆ.ಜೆ.ಜಾರ್ಜ್ ಹಾಗೂ ಕಾನೂನು ಮತ್ತು ಸಂಸದೀಯ ಸಚಿವ ಟಿ.ಬಿ.ಜಯಚಂದ್ರ ಅವರಿಗೆ ದೂರು ನೀಡಿದೆ.

ಬೊಮ್ಮರಬೆಟ್ಟು ಗ್ರಾಮದ ಮಂಜೊಟ್ಟಿ ಎಂಬಲ್ಲಿ ಡಿಸಿ ಮನ್ನಾ ಭೂಮಿಯಲ್ಲಿರುವ, ಕಳೆದ 49 ವರ್ಷಗಳಿಂದ ದಲಿತ ಕುಟುಂಬಗಳು ಉಪಯೋಗಿಸುತ್ತಿದ್ದ ರಸ್ತೆಯನ್ನು ದಲಿತೇತರ
ಕುಟುಂಬವೊಂದು ಕಡಿದು ತಡೆ ಒಡ್ಡಿದ ಬಗ್ಗೆ ಮೂವರು ಮಕ್ಕಳೊಂದಿಗೆ ವಾಸವಾಗಿರುವ ದಲಿತ ವಿಧವೆಯೊಬ್ಬರು ಹಿರಿಯಡ್ಕ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು.

ಹಿರಿಯಡ್ಕ ಪಿಎಸ್ಐ ರಫೀಕ್ ಅವರು ಈ ದೂರನ್ನು ದಾಖಲಿಸದೆ ಮುಚ್ಚಿ ಹಾಕಿದ್ದಾರೆ. ಮಾತ್ರವಲ್ಲ, ನ್ಯಾಯ ಕೇಳಲು ಹೋದರೆ ತಾನೇ ರಸ್ತೆ ನಿರ್ಮಿಸಿಕೊಡುವುದಾಗಿ ಹೇಳಿಕೊಂಡು ಪ್ರಕರಣವನ್ನು ಕಡೆಗಣಿಸಿದ್ದಾರೆ. ಆರೋಪಿಗಳ ವಿರುದ್ಧ ದಲಿತ ದೌರ್ಜನ್ಯ ಮೊಕದ್ದಮೆ ದಾಖಲಿಸಬೇಕಾದ ರಫೀಕ್ ಅವರು, ರಸ್ತೆ ನಿರ್ಮಿಸುವ ಮಾತನಾಡುವುದಲ್ಲದೆ, ಹೆಚ್ಚು ಮಾತಾಡಿದರೆ ಒದ್ದು ಒಳಗೆ ಹಾಕುವುದಾಗಿ ಬೆದರಿಕೆ ಹಾಕುವ ಮೂಲಕ ಅನುಚಿತವಾಗಿ ನಡೆದುಕೊಂಡಿದ್ದಾರೆ ಎಂದು ಸಚಿವರಿಗೆ ಸಲ್ಲಿಸಿದ ದೂರಿನಲ್ಲಿ ದಸಂಸ ಆರೋಪಿಸಿದೆ.

ಹಿರಿಯಡ್ಕ ಪೊಲೀಸ್ ಠಾಣೆಗೆ ಇದುವರೆಗೂ ಇಂಥ ಪೊಲೀಸ್ ಅಧಿಕಾರಿ ಬಂದಿಲ್ಲ. ಇದೇ ಮೊದಲ ಬಾರಿ ದಲಿತ ವಿರೋಧಿ, ಕಾನೂನು ವಿರೋಧಿ, ನ್ಯಾಯವನ್ನು ನಿರ್ಲಕ್ಷಿಸುವ ಮತ್ತು ಸಾರ್ವಜನಿಕರೊಂದಿಗೆ ಅಗೌವರದಿಂದ ವರ್ತಿಸುವ ಪೊಲೀಸ್ ಅಧಿಕಾರಿ ಸಬ್ ಇನ್ಸ್ ಪೆಕ್ಟರ್ ಬಂದಿದ್ದಾರೆ ಎಂದು ದಸಂಸ ಅಪಾದಿಸಿದೆ.

ರಸ್ತೆಯನ್ನು ಗುರುತಿಸುವ ಮತ್ತು ನಿರ್ಮಿಸುವ ಬಗ್ಗೆ ಗ್ರಾಮ ಕರಣಿಕರಿಗೆ ಹಾಗೂ ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಯವರಿಗೆ ಮನವಿ ಸಲ್ಲಿಸಿದ್ದು, ಅದನ್ನವರು
ಮಾಡಿಕೊಡುವವರಿದ್ದಾರೆ. ಸಬ್ ಇನ್ಸ್ ಪೆಕ್ಟರ್ ರಸ್ತೆ ನಿರ್ಮಿಸಿಕೊಡುವ ಅಗತ್ಯವಿಲ್ಲ. ಅದವರ ಕೆಲಸವೂ ಅಲ್ಲ, ಆಗಬಾರದು ಎಂದು ದಸಂಸ ಸಂಚಾಲಕ ದೇಜಪ್ಪ ಹಿರಿಯಡ್ಕ ಅವರು ಸಚಿವರುಗಳಿಗೆ ಸಲ್ಲಿಸಿದ ಮನವಿಯಲ್ಲಿ ತಿಳಿಸಿದ್ದಾರೆ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s