ನಿವೇಶನ ರಹಿತರ ಪಟ್ಟಿಯ ಮರು ಪರಿಶೀಲನೆಗೆ ನಿರ್ಣ ಯ: ಬಾಡಿಗೆಮನೆ ವಾಸಿಗಳಿಗೆ ಮೊದಲ ಆದ್ಯತೆ

Posted: August 19, 2014 in Uncategorized

ಉಡುಪಿ: ಗ್ರಾಮ ಪಂಚಾಯಿತಿಗಳು ಈಗಾಗಲೇ ತಯಾರಿಸಿರುವ ನಿವೇಶನ ರಹಿತರ ಪಟ್ಟಿಯಿಂದ ಬೋಗಸ್ ಹೆಸರುಗಳನ್ನು ಕಿತ್ತುಹಾಕುವುದರ ಜೊತೆಗೆ ಸಮಗ್ರವಾಗಿ ಮರು ಪರಿಶೀಲನೆಗೆ ಒಳಪಡಿಸಲು ಮತ್ತು ನಿವೇಶನ ವಿತರಿಸುವ ಪ್ರಕ್ರಿಯೆಯಲ್ಲಿ ಒಕ್ಕಲುದಾರರ ಸಹಿತ ಬಾಡಿಗೆ ಮನೆಗಳಲ್ಲಿ ವಾಸವಾಗಿರುವವರನ್ನು ಮೊದಲ ಆದ್ಯತೆಯಲ್ಲಿ ಪರಿಗಣಿಸಲು ಉಡುಪಿ ತಾಲೂಕು ಪಂಚಾಯಿತಿ ಸಭಾಂಗಣದಲ್ಲಿ ಶಾಸಕ ಪ್ರಮೋದ್ ಮ್ವರಾಜ್ ಅಧ್ಯಕ್ಷತೆಯಲ್ಲಿ ಆಗಸ್ಟ್ 17ರಂದು ನಡೆದ ಉಡುಪಿ ತಾಲೂಕು ಮಟ್ಟದ ತ್ರೈಮಾಸಿಕ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ನಿರ್ಣಯ ತೆಗೆದುಕೊಳ್ಳಲಾಯಿತು.

ನಿವೇಶನ ರಹಿತರ ಪಟ್ಟಿಯನ್ನು ಪ್ರಚುರಪಡಿಸಲು ಮತ್ತು ಆಕ್ಷೇಪಗಳಿದ್ದರೆ ಆಹ್ವಾನಿಸಲು ಸಭೆಯಲ್ಲಿ ನಿರ್ಧರಿಸಲಾಯಿತು. ನಿವೇಶನಗಳನ್ನು ವಿತರಿಸಲು ಬೇಕಾದಷ್ಟು ಸರಕಾರಿ ಭೂಮಿ ಇಲ್ಲವಾಗಿರುವ ಗ್ರಾಮಗಳಲ್ಲಿನ ನಿವೇಶನ ರಹಿತರಿಗೆ ಇತರ ಗ್ರಾಮಗಳಲ್ಲಿ ನಿವೇಶನಗಳನ್ನು ವಿತರಿಸುವ ಪ್ರಕ್ರಿಯೆ ನಡೆಸಲು ತೀರ್ಮಾನಿಸಲಾಯಿತು.

ಎರಡೂವರೆ ವರ್ಷಗಳ ಹಿಂದೆಯೇ ನಿವೇಶನ ರಹಿತರ ಪಟ್ಟಿ ತಯಾರಿಸಿ ತಾಲೂಕು ಪಂಚಾಯಿತಿಗೆ ಕಳುಹಿಸಿಕೊಡುವಂತೆ ಕೋರಿ ಮಾರ್ಗಸೂಚಿ ಸಹಿತ ಪತ್ರ ಬರೆಯಲಾಗಿತ್ತಾದರೂ, ಇದುವರೆಗೂ ಗ್ರಾ.ಪಂ.ಗಳು ತಾ.ಪಂ.ಗೆ ಕಳುಹಿಸಿಕೊಟ್ಟಲ್ಲ ಎಂಬ ಅಂಶ ಸಭೆಯಲ್ಲಿ ಬಹಿರಂಗಕ್ಕೆ ಬಂತು. ನಿವೇಶನ ರಹಿತರ ಪಟ್ಟಿ ದೋಷಪೂರಿತವಾಗಿರುವ ಕಾರಣದಿಂದಾಗಿ ಹಕ್ಕುಪತ್ರ ವಿತರಿಸಿದ ಬಳಿಕ ಆಕ್ಷೇಪಗಳು ದಾಖಲಾಗುವ ಪ್ರಮೇಯ ಒದಗಿಬಂದಿದೆ ಎನ್ನುವುದು ಚರ್ಚೆಗೀಡಾಯಿತು.

ಗ್ರಾಮ ಕರಣಿಕರು ಹಾಗೂ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಜಂಟಿಯಾಗಿ ನಿವೇಶನ ರಹಿತರ ಪಟ್ಟಿಯನ್ನು ತಯಾರಿಸಬೇಕಾಗಿದೆ. ಆದರೆ ಪ್ರಸ್ತುತ ತಯಾರಿಸಲಾದ ಪಟ್ಟಿಯಲ್ಲಿ ಗೊಂದಲಗಳಿವೆ. ಬೆಳಪು ಗ್ರಾಮದಲ್ಲಿ 272 ಮಮದಿಗೆ ಹಕ್ಕುಪತ್ರ ವಿತರಿಸಲಾಗಿದ್ದು, ಇಲ್ಲಿ ಭೂಮಿ ಇದ್ದವರಿಗೂ ನಿವೇಶನದ ಹಕ್ಕುಪತ್ರ ವಿತರಿಸಿರುವ ವಿಷಯ ಸಭೆಯಲ್ಲಿ ಬಯಲಾಯಿತು.

ಉಡುಪಿ ನಗರ ಸಭಾ ವ್ಯಾಪ್ತಿಯ ನಿವೇಶನ ರಹಿತರಿಗೆ ನಿವೇಶನ ವಿತರಿಸುವ ಪ್ರಕ್ರಿಯೆಯಲ್ಲಿ ಕನಕಪುರ ಮಾದರಿಯನ್ನು ಅನುಸರಿಸುವ ನಿಟ್ಟಿನಲ್ಲಿ ಆಯುಕ್ತರ ಸಹಿತ ನಗರಸಭೆಯ ತಂಡವೊಂದು ಕನಕಪುರಕ್ಕೆ ಅಧ್ಯಯನ ಪ್ರವಾಸ ಕೈಗೊಳ್ಳುವುದು ಸೂಕ್ತ ಎಂದು ಶಾಸಕರು ಸೂಚಿಸಿದರು.

ಅರಣ್ಯ ಇಲಾಖೆಯ ವಶದಲ್ಲಿದ್ದ 900 ಎಕರೆ ಡೀಮ್ಡ್ ಫಾರೆಸ್ಟ್ ನ್ನು ಮತ್ತೆ ಕಂದಾಯ ಇಲಾಖೆ ಪಡೆದುಕೊಂಡಿದೆ. ಇನ್ನಷ್ಟೂ ಡೀಮ್ಡ್ ಫಾರೆಸ್ಟ್ ನ್ನು ಸ್ವಾಧೀನಕ್ಕೆ ತೆಗೆದುಕೊಳ್ಳುವ ಪ್ರಕ್ರಿಯೆ ನಡೆಸಲಾಗುತ್ತಿದೆ. ಕುಮ್ಕಿ ಭೂಮಿ ಬಗ್ಗೆ
ಕ್ಯಾಬಿನೆಟ್ನಲ್ಲಿ ಚರ್ಚೆಯಾಗಿದೆ, ಆದರೆ ಅಂತಿಮ ತೀರ್ಮಾನವಾಗಿಲ್ಲ. ಹಾವಂಜೆಯಲ್ಲಿ ಕೂಂಬಿಂಗ್ ನಡೆಸಿ ಕಾಡುಕೋಣಗಳನ್ನು 5 ಕಿ.ಮೀ.ದೂರದವರೆಗೆ ಓಡಿಸಲಾಗಿದೆ.
ಚೇರ್ಕಾಡಿಯಲ್ಲಿ ಚಿರತೆಗೆ ಗೂಡು ಇಡಲಾಗಿದೆ. ಕೇಗಾರಿಕಾ ಇಲಾಖೆಯ ಉಡುಪಿ ತಾಲೂಕು ವಿಸ್ತರಣಾಧಿಕಾರಿ ಹುದ್ದೆ ಕಳೆದ ಮೂರು ವರ್ಷಗಳಿಂದ ಕಾಲಿ ಇದೆ ಎಂಬಿತ್ಯಾದಿ ವಿಷಯಗಳು ಸಭೆಯಲ್ಲಿ ಗಮನ ಸೆಳೆದ ಇತರ ವಿಚಾರಗಳು.

ತಾ.ಪಂ.ಪ್ರಭಾರ ಕಾರ್ಯನಿರ್ವಹಣಾಧಿಕಾರಿ ರಾಜೇಂದ್ರ ಬೇಕಲ್, ತಹಶಿಲ್ದಾರ್
ಗುರುಪ್ರಸಾದ್, ತಾ.ಪಂ.ಅಧ್ಯಕ್ಷರು, ಉಪಾಧ್ಯಕ್ಷರು, ಜಿ.ಪಂ.ಸದಸ್ಯರಾದ ಕಟಪಾಡಿ ಶಂಕರ ಪೂಜಾರಿ, ಉಪೇಂದ್ರ ನಾಯಕ್ ಮೊದಲಾದವರು ಸಬೆಯಲ್ಲಿ ಉಪಸ್ಥಿತರಿದ್ದರು.
tags: ನಿವೇಶನ, ಭೂಮಿ, ಭೂರಹಿತರು, ಹೋರಾಟ, ಆಡಳಿತ, ಪ್ರಮೋದ್ ಮಧ್ವರಾಜ್ ಶಾಸಕರು, ಶಾಸಕರು, ತಾಲೂಕು ಪಂಚಾಯಿತಿ, ಉಡುಪಿ ತಾಲೂಕು ಪಂಚಾಯತ್, ಪ್ರಗತಿ ಪರಿಶೀಲನಾ ಸಭೆ, pramod madhwaraj mla, mla’s, udupi news, udupibits]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s