Posts Tagged ‘ಉಡುಪಿ ಜಿಲ್ಲಾಡಳಿತ’

ಭ್ರಷ್ಟ ಅಧಿಕಾರಿಗಳು, ದುಷ್ಟ ರಾಜಕಾರಣಿಗಳು..!

Posted: ಆಗಷ್ಟ್ 21, 2014 in Uncategorized
ಟ್ಯಾಗ್ ಗಳು:, , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

# ಭ್ರಷ್ಟ, ದುಷ್ಟ, ಸ್ವಾರ್ಥಿ, ಕುತಂತ್ರಿ, ಜಾತಿವಾದಿ, ನಿಷ್ಕಾಳಜಿಯ ಮಂತ್ರಿಗಳು/ ಜನಪ್ರತಿನಿಧಿಗಳು/ ರಾಜಕಾರಣಿಗಳು ಹಾಗೂ ಸರಕಾರಿ ಅಧಿಕಾರಿಗಳು/ ನೌಕರರ ಬೇಜವಾಬ್ದಾರಿ, ಹೊಣೆಗೇಡಿ, ಅದಕ್ಷ ಆಡಳಿತ ವ್ಯವಸ್ಥೆಯಿಂದಾಗಿಯೇ ಬಡವರ, ನೊಂದವರ, ಶೋಷಿತರ ಮತ್ತು ನಾಡಿನ ಬಹುತೇಕ ಯಾವುದೇ ಸಮಸ್ಯೆಗಳೂ ಪರಿಹಾರ ಕಾಣದೆ ಎಲ್ಲವೂ ನೆನೆಗುದಿಯಲ್ಲಿರಲು ಮುಖ್ಯ ಕಾರಣವಾಗಿದೆ. ಹಣ ಮತ್ತು ಮತ ಬ್ಯಾಂಕ್ ರಾಜಕಾರಣವೇ ಇವರ ಬಂಡವಾಳ.
ಎಲ್ಲಿಂದೆಲ್ಲ, ಯಾವುದರಿಂದೆಲ್ಲ ದೊಡ್ಡ ಮೊತ್ತದ ಆರ್ಥಿಕ ಲಾಭ ಇದೆಯೋ ಅಲ್ಲಿಗೆಲ್ಲ ಇಂಥವರು ಗಮನ ಕೊಡುತ್ತಾರೆ, ಭೇಟಿ ಕೊಡುತ್ತಾರೆ. ಎಲ್ಲೆಲ್ಲಿಂದೆಲ್ಲಾ ಯಾವುದೇ ಲಾಭವಿಲ್ಲವೋ ಅದರ ಕಡೆಗೆ ದಿವ್ಯ ನಿರ್ಲಕ್ಷ್ಯ. ಅಂತಿಮವಾಗಿ ಅನಿವಾರ್ಯವಾದರೆ ಭೇಟಿಯ, ಕಾಳಜಿಯ ನಾಟಕವಾಡುತ್ತಾರೆ. ಇಂಥ ನಾಟಕ ಪ್ರದರ್ಶನದಲ್ಲೂ ಪ್ರಚಾರ ಪಡೆದುಕೊಂಡು ಅಲ್ಲೂ ಲಾಭ ಮಾಡಿಕೊಳ್ಳುವ ಅಯೋಗ್ಯರು ನಮ್ಮನ್ನಾಳುವವರು.

ಯಾವುದೇ ಪ್ರಕರಣ, ವಿಷಯ, ಬೆಳವಣಿಗೆಗಳಿರಲಿ. ಅವುಗಳ ಹಾದಿ ತಪ್ಪಿಸುವುದು, ಅವುಗಳನ್ನು ತಮಗೆ ಬೇಕಾದಂತೆ ದುರ್ಬಳಕೆ ಮಾಡಿಕೊಳ್ಳುವುದು, ತಿರುಚುವುದು ಇವರೇ. ಬೆಂಕಿಯಲ್ಲಿ ಚಳಿ ಕಾಯಿಸಿಕೊಂಡಂತೆ. ಸತ್ಯದ ತಲೆ ಮೇಲೆಯೇ ಮೊಳೆ ಹೊಡೆಯುವುದರಲ್ಲಿ ಇವರದು ಎತ್ತಿದ ಕೈ. ಸುಳ್ಳನ್ನು ಸತ್ಯವೆಂದು ಬಿಂಬಿಸುವ ಕಲೆಯೂ ಇವರಿಗೆ ಕರಗತ.

ಆಗಸ್ಟ್ 18ರಂದು ಹೀಗೆಯೇ ಆಯಿತು. ಉಡುಪಿ ತಾಲೂಕು ಪಂಚಾಯಿತಿ ಸಭಾಂಗಣದಲ್ಲಿ ಶಾಸಕ ಪ್ರಮೋದ್ ಮಧ್ವರಾಜ್ ಅಧ್ಯಕ್ಷತೆಯಲ್ಲಿ ಉಡುಪಿ ತಾಲೂಕು ಮಟ್ಟದ ತ್ರೈಮಾಸಿಕ ಪ್ರಗತಿ ಪರಿಶೀಲನಾ ಸಭೆ (ಕೆಡಿಪಿ ಸಭೆ) ನಡೆಯಿತು. ಸಭೆಯಲ್ಲಿ ಭಾಗವಹಿಸಿದ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯ ವಾರ್ಡನ್ ಗಿರಿಧರ ಗಾಣಿಗ ಎಂಬವರು ತಮ್ಮ ಇಲಾಖೆಯ ಸರದಿ ಬಂದಾಗ ಎದ್ದು ನಿಂತವರೆ, ಬಿಸಿಎಂ ಹಾಸ್ಟೆಲ್ ಗೆ ಸಂಬಂಧಿಸಿದಂತೆ ಪತ್ರಿಕೆಗಳಲ್ಲಿ ಪ್ರಕಟವಾದ ಪತ್ರಿಕಾ ಹೇಳಿಕೆಯೊಂದರ ಮೇಲೆ ಹರಿಹಾಯ್ದಿದ್ದರು.

ವಾರ್ಡನ್ ಗಿರಿಧರ್ ಗಾಣಿಗರು ಬಿಸಿಎಂ ಹಾಸ್ಟೆಲ್ ಗಳ ಕುಂದು ಕೊರತೆ ಬಗ್ಗೆ, ಸಮಸ್ಯೆಗಳ ಕುರಿತು, ಸರಕಾರ ಏನು ಮಾಡುತ್ತಿದೆ, ಸರಕಾರದಿಂದ ಏನೆಲ್ಲಾ ಬರುತ್ತಿದೆ, ಯಾವುದೆಲ್ಲಾ ಬರುತ್ತಿದೆ, ಎಷ್ಟು ಬರುತ್ತಿದೆ, ಇದರಲ್ಲಿ ಯಾವ ಬದಲವಣೆ, ಹೆಚ್ಚಳವನ್ನು ಸರಕಾರ ಮಾಡಬೇಕಾಗಿದೆ, ನಾವೇನು ಮಾಡುತ್ತಿದ್ದೇವೆ, ಹಾಸ್ಟೆಲ್ ವ್ಯವಸ್ಥೆ ಸುಧಾರಿಸಬೇಕಾದರೆ ಮುಂದಿನ ದಿನಗಳಲ್ಲಿ ಸರಕಾರವೇನು ಮಾಡಬೇಕು, ಶಾಸಕರಿಂದ ತಮ್ಮ ಇಲಾಖೆ ಏನನ್ನು ಬಯಸುತ್ತದೆ ಇತ್ಯಾದಿ ವಿಚಾರಗಳನ್ನು ಸಭೆಯ ಮುಂದಿಡಬೇಕಾಗಿತ್ತು. ಇದು ಅಗತ್ಯವೂ, ಅನಿವಾರ್ಯವೂ ಆಗಿದೆ. ವಾರ್ಡನ್ ಹೀಗೆ ಮಾಡಿದರಾ ಎಂದು ಕೇಳಿದರೆ ಅವರು ಹಾಗೆ ಮಾಡಲೇ ಇಲ್ಲ ಎಂಬುದಾಗಿದೆ ಉತ್ತರ.

ಉಡುಪಿಯ ಬಿಸಿಎಂ ವಿದ್ಯಾರ್ಥಿನಿಯರ ಹಾಸ್ಟೆಲ್ ಗೆ ಸ್ವಂತ ಕಟ್ಟಡವಿಲ್ಲ. ಕಳೆದ ಐದು ವರ್ಷಗಳಿಂದ ಅಲ್ಲಿ ಇಲ್ಲಿ ಬಾಡಿಗೆ ಕಟ್ಟಡದಲ್ಲಿ ಹಾಸ್ಟೆಲ್ ಕಾರ್ಯ
ನಿರ್ವಹಿಸುತ್ತಿದೆ. ಲೋಕೋಪಯೋಗಿ ಇಲಾಖೆ ನಿಗದಿಪಡಿಸಿದ ದರದಲ್ಲಿ ಎಲ್ಲಾ ಅಗತ್ಯ ಮೂಲಭೂತ ಸೌಕರ್ಯಗಳಿರುವ ಉತ್ತಮ ಬಾಡಿಗೆ ಕಟ್ಟಡಗಳನ್ನು ಪಡೆದುಕೊಳ್ಳಲು
ಸಾಧ್ಯವಾಗುತ್ತಿಲ್ಲ. ಪ್ರಸ್ತುತ ತೊಟ್ಟಂ ಎಂಬಲ್ಲಿ ಹಾಸ್ಟೆಲ್ ಇದ್ದು, ಇಲ್ಲಿ ಯಾವುದೇ ಮೂಲಭೂತ ಸೌಲಭ್ಯಗಳಿಲ್ಲದ ಕಾರಣ ಪ್ರತಿದಿನವೂ ವಿದ್ಯಾರ್ಥಿನಿಯರು ಬಹಳಷ್ಟು ಸಂಕಟಗಳನ್ನು ಅನುಭವಿಸುತ್ತಿದ್ದಾರೆ. 125 ಮಂದಿಗೆ ಈ ಹಾಸ್ಟೆಲ್ ನಲ್ಲಿ ಪ್ರವೇಶಕ್ಕೆ ಅವಕಾಶವಿದೆ. ಆದರೆ ಈಗ ಇರುವ ವಿದ್ಯಾರ್ಥಿನಿಯರ ಸಂಖ್ಯೆ ಕೇವಲ 82. ಎಷ್ಟು ಸಂಖ್ಯೆಯ ವಿದ್ಯಾರ್ಥಿನಿಯರಿಗೆ ಪ್ರವೇಶಕ್ಕೆ ಅವಕಾಶವಿದೆಯೋ, ಅಷ್ಟು ಸಂಖ್ಯೆಯ
ವಿದ್ಯಾರ್ಥಿನಿಯರು ಹಾಸ್ಟೆಲ್ ನಲ್ಲಿ ಇಲ್ಲವಾದರೂ, ಇರುವ ವಿದ್ಯಾರ್ಥಿನಿಯರಿಗೂ ಈ ಹಾಸ್ಟೆಲ್ ನಲ್ಲಿ ಶೌಚಾಲಯಗಳಿಲ್ಲ. ಬಾತ್ ರೂಮ್ ಗಳು ಇಲ್ಲ. ಡ್ರೆಸ್ಸಿಂಗ್ ರೂಮ್ ಇಲ್ಲ. ಬಟ್ಟೆ ಬರೆಗಳ ಬ್ಯಾಗ್ ಮತ್ತು ಕಾಲೇಜು ಪುಸ್ತಕಗಳ ಬ್ಯಾಗ್ ಇಡಲು
ಸ್ಥಳಾವಕಾಶವಿಲ್ಲ. ನೆಲದಲ್ಲೇ ಮಲಗಬೇಕಾದ ದುರವಸ್ಥೆ ಇದೆ. ಈ ಸತ್ಯವನ್ನು, ವಾಸ್ತವಾಂಶಗಳನ್ನು ಗಿರಿಧರ್ ಗಾಣಿಗ ಸಹಿತ ಹಿಂದುಳಿದ ವರ್ಗದ ಕಲ್ಯಾಣ ಇಲಾಖೆಗೆ ಸೇರಿದ ಯಾವನೇ ಅಧಿಕಾರಿ ಇದುವರೆಗೆ ತಾಲೂಕು ಮಟ್ಟದ್ದಿರಬಹುದು, ಜಿಲ್ಲಾ ಮಟ್ಟದ್ದಿರಬಹುದು ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಹೇಳಿದ್ದಿಲ್ಲ, ಹೇಳುವುದೂ ಇಲ್ಲ. ಯಾಕೆಂದು ಅರ್ಥವಾಗುವುದಿಲ್ಲ.

ಬಿಸಿಎಂ ವಿದ್ಯಾರ್ಥಿನಿಯರ ಹಾಸ್ಟೇಲಿಗೊಂದು ಸ್ವಂತ ಕಟ್ಟಡ ಬೇಕು. ಸ್ವಂತ ಕಟ್ಟಡ ಬೇಕಾದರೆ ಸ್ವಂತ ಜಾಗ ಬೇಕು. ತಹಶೀಲ್ದಾರ್ ಹಾಗೂ ಜಿಲ್ಲಾಧಿಕಾರಿಗಳಲ್ಲಿ ಮಾತುಕತೆ ನಡೆಸಿ ಸೂಕ್ತ ಆದೇಶ ಮಾಡುವ ಮೂಲಕ ಆ ಜಾಗವನ್ನು ಆದಷ್ಟು ಬೇಗ ನಮ್ಮ ಇಲಾಖೆಗೆ ಒದಗಿಸಿ ಕೊಡಬೇಕು. ಲೋಕೋಪಯೋಗಿ ಇಲಾಖೆ ನಿಗದಿಪಡಿಸಿದ ದರ ಕಡಿಮೆ ಇರುವುದರಿಂದ ಈ ದರದಲ್ಲಿ ಉತ್ತಮ ಬಾಡಿಗೆ ಕಟ್ಟಡ ಇಲಾಖೆಗೆ ಸಿಗುತ್ತಿಲ್ಲ. ಆದುದರಿಂದ ಸರಕಾರದ ಮಟ್ಟದಲ್ಲಿ ಮಾತಾಡಿ ಲೋಕೋಪಯೋಗಿ ನಿಗದಿಪಡಿಸಿದ ದರವನ್ನು ಏರಿಸಬೇಕು. ತೊಟ್ಟಂನಲ್ಲಿರುವ ವಿದ್ಯಾರ್ಥಿನಿ ನಿಲಯದಲ್ಲಿ 82 ವಿದ್ಯಾರ್ಥಿನಿಯರಿಗೆ ಇರುವುದು ಕೇವಲ ಎರಡೇ ಎರಡು ಶೌಚಾಲಯ ಮತ್ತು ಎರಡೇ ಎರಡು ಬಾತ್ ರೂಮುಗಳು ಮಾತ್ರ. ಡ್ರೆಸ್ಸಿಂಗ್ ರೂಮ್ ಇಲ್ಲವೇ ಇಲ್ಲ. ಮಲಗಲು, ಬ್ಯಾಗ್ ಗಳನ್ನು ಇಡಲು ಸ್ಥಳವಿಲ್ಲ. ಓದುವ ವಾತಾವರಣವೇ ಇಲ್ಲ ಎಂಬ ಸತ್ಯವನ್ನು ವಾರ್ಡನ್ ಗಿರಿಧರ್ ಗಾಣಿಗ ಹೇಳುವುದಿಲ್ಲ. ವಾಸ್ತವಾಂಶಗಳನ್ನು ಶಾಸಕರಿರುವ ಅಥವಾ ಸಚಿವರಿರುವ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಹೇಳದೇ ಇದ್ದರೆ ಅಭಿವೃದ್ಧಿಯಾಗಲು ಸಾಧ್ಯವೇ ? ಕನಿಷ್ಟ ಮಟ್ಟದ ಸುಧಾರಣೆಯನ್ನಾದರೂ ಸಾಧಿಸಲು ಸಾಧ್ಯವೇ ? ಇಲ್ಲವೇ ಇಲ್ಲ. ಆದರೆ ಇದನ್ನೆಲ್ಲಾ ಇವರುಗಳು ಯಾಕಾಗಿ ಮನವರಿಕೆ ಮಾಡಿಕೊಳ್ಳುವುದಿಲ್ಲ ಎನ್ನುವುದೂ ತಿಳಿಯುವುದಿಲ್ಲ.

ಕೆಡಿಪಿ ಸಭೆಯ ಅಧ್ಯಕ್ಷತೆ ವಹಿಸುವಂಥ ಶಾಸಕರಿಗೂ, ಸಚಿವರಿಗೂ ಇದ್ಯಾವುದೂ ಬೇಕಾಗಿಲ್ಲ. ಇಂಥವುಗಳ ಬಗ್ಗೆ ನೈಜ ಕಾಳಜಿ ಇರುತ್ತಿದ್ದರೆ, ವಿಷಯ ಪತ್ರಿಕೆಗಳಲ್ಲಿ ಪ್ರಕಟವಾದ ಬಳಿಕವಾದರೂ ಸ್ಥಳಕ್ಕೆ ಭೇಟಿ ಕೊಡಬಹುದಿತ್ತು. ಸ್ಥಳಕ್ಕೆ ಭೇಟಿ ಕೊಡುವುದು ಬಿಡಿ, ಸತ್ಯವನ್ನು ಅರಿತುಕೊಳ್ಳಬೇಕೆಂಬ ಕನಿಷ್ಟ ಪ್ರಾಮಾಣಿಕ ಕಾಳಜಿಯೂ ಸಹ ಇವರಲ್ಲಿ ಇಲ್ಲವಾಗಿದೆ. ಇವರಿಗೆ ಅಭಿವೃದ್ಧಿ, ಪ್ರಗತಿ ಎಂದರೆ ರಸ್ತೆ ಕಾಂಕ್ರಿಟೀಕರಣ, ಡಾಮರೀಕರಣ, ಸೇತುವೆ, ದೊಡ್ಡ ದೊಡ್ಡ ಕಟ್ಟಡಗಳು ಇತ್ಯಾದಿಗಳು ಮಾತ್ರ. ಇಲ್ಲಿ ದೊಡ್ಡ ಮೊತ್ತದ ಹಣ ಸರಕಾರದಿಂದ ಬಿಡುಗಡೆಗೊಳ್ಳುತ್ತವೆ. ಇದರಲ್ಲಿ ಅಷ್ಟೇ ದೊಡ್ಡ ಮೊತ್ತದ ಕಮಿಷನ್ ಹಣವೂ ಜೇಬಿಗಿಳಿಸಲಾಗುತ್ತದೆ. ಇದಕ್ಕೇ ಇರಬೇಕು ಜನಪ್ರತಿನಿಧಿಗಳು ಹಾಗೂ ಸರಕಾರಿ ಅಧಿಕಾರಿಗಳು, ನೌಕರರು ಇದಕ್ಕೆ ಕೊಡುವಷ್ಟು ಕಾಳಜಿ ಮತ್ತು ಆಸಕ್ತಿಯನ್ನು ಇತರ ವಿಷಯಗಳ ಕಡೆಗೆ ಕೊಡದಿರುವುದು.

ಇಂಥ ವಿಷಯಗಳು ಒಂದೆರಡಲ್ಲ. ಅದೆಷ್ಟೋ ಇದೆ. ಗ್ರಾಮ ಪಂಚಾಯಿತಿಗೋ, ತಾಲೂಕು ಪಂಚಾಯಿತಿಗೋ, ಜಿಲ್ಲಾ ಪಂಚಾಯಿತಿಗೋ ಪಕ್ಷದ ಹೆಸರಿನಲ್ಲಿ ಸದಸ್ಯರಾಗಿಬಿಡುತ್ತಾರೆ. ಸದಸ್ಯರಾದ ಬಳಿಕ ಸಾಮಾನ್ಯ ಸಭೆಗಳಲ್ಲಿ ಬೆಂಚು ಬಿಸಿ ಮಾಡುವುದು ಬಿಟ್ಟರೆ ಬೇರೆ ಮಾಡುವುದೇನೂ ಇಲ್ಲ (ಎಲ್ಲರೂ ಅಲ್ಲ). ಸಭೆಯಿಂದ ನಿರ್ಗಮಿಸುವ ಮೊದಲು ಗೌರವ ಧನದ ಕವರ್ ಪಡೆದುಕೊಳ್ಳಲು ಮಾತ್ರ ಇವರು ಮರೆಯುವುದಿಲ್ಲ. ಉಳಿದ ಸಮಯಗಳಲ್ಲಿ ವರ್ಗಾವಣೆ ರಾಜಕೀಯದಲ್ಲಿ, ತಮ್ಮ ಕ್ಷೇತ್ರಗಳಲ್ಲಿ ಗುಂಪುಗಾರಿಕೆ ನಡೆಸುವುದರಲ್ಲಿ, ಸೇಡಿನ ರಾಜಕಾರಣ ನಡೆಸುವುದರಲ್ಲಿ ಸಕ್ರಿಯವಾಗಿರುತ್ತಾರೆ.

ಜನಪ್ರತಿನಿಧಿಗಳಾಗಿರುವ ಕಾರಣಕ್ಕೆ, ಸರಕಾರದ ಕಾರ್ಯಕ್ರಮ ಎಂಬ ಕಾರಣಕ್ಕೆ ಇವರಿಗೆ ಮಾಧ್ಯಮ ಪ್ರಚಾರ ಸಿಕ್ಕೇ ಸಿಗುತ್ತವೆ, ಸರಕಾರ ಮತ್ತು ಇವರು ವಯುಕ್ತಿಕವಾಗಿಯೋ, ಸಂಸ್ಥೆಗಳ ಹೆಸರಿನಲ್ಲಿ ಬಹಳಷ್ಟು ಜಾಹೀರಾತುಗಳನ್ನೂ ಮಾಧ್ಯಮಗಳಿಗೆ
ಕೊಡಮಾಡುತ್ತಾರಾದ್ದರಿಂದ ಮಾಧ್ಯಮಗಳೂ ಇವರಿಗೆ ಸಾಕಷ್ಟು ಪ್ರಚಾರವನ್ನು ಕೊಡುತ್ತವೆ, ವಿರುದ್ಧವಂತೂ ಬರೆಯುವುದಿಲ್ಲ. ಬರೆದರೂ ಅದು ಬರುವುದು ಸಣ್ಣದಾಗಿ ಒಂದು ಮೂಲೆಯಲ್ಲಿ, ಯಾರೂ ನೋಡದ ಜಾಗದಲ್ಲಿಯೇ.

ಚುನಾವಣೆ ಸಮೀಪಿಸುವಾಗ ಜನ ಮರುಳು ಯೋಜನೆಗಳ ಜ್ಯಾರಿ, ಮತದಾರರನ್ನು ಮಂಗ ಮಾಡುವ ಭಾಷಣ, ಹಾದಿ ಬೀದಿಯಲ್ಲಿ ಫ್ಲೆಕ್ಸ್ ಬ್ಯಾನರ್, ಕೌಟೌಟ್ ಗಳು. ಕಾಮಗಾರಿಗಳಿಗೆ ಸರಕಾರ ಬಿಡುಗಡೆ ಮಾಡಿದ ಹಣವನ್ನು ತಮ್ಮಪ್ಪನ ತಿಜೋರಿಯಿಂದಲೇ ಕೊಟ್ಟಿದ್ದು ಎಂಬಂತೆ ಅಲ್ಲಿಗೆ ಅಷ್ಟು ಕೋಟಿ ಕೊಟ್ಟೆ, ಇಲ್ಲಿಗೆ, ಇದಕ್ಕೆ ಇಷ್ಟು ಕೋಟಿ ಕೊಟ್ಟೆ ಎಂಬ ಪ್ರಚಾರ ಬೇರೆ. ಥೂ..

ಭ್ರಷ್ಟಾಚಾರ ರಹಿತ ಪಾರದರ್ಶಕ ಆಡಳಿತ ನೀಡುವುದೇ ತಮ್ಮ ಗುರಿ ಎಂದು ಚುನಾವಣೆಗೆ ಮೊದಲು ಬೋಂಗು ಬಿಟ್ಟು ಭಾರೀ ಸುಭಗರಾಗುವ ಇವರು, ಆಯ್ಕೆಯಾದ ಬಳಿಕ ನಡೆಸಿದ್ದು, ನಡೆಸುವುದು ಭ್ರಷ್ಟಾಚಾರವನ್ನೇ. ಭ್ರಷ್ಟರನ್ನು ರಕ್ಷಿಸುವುದೇ ದಿನಚರಿಯಾಗುತ್ತದೆ. ಇಂಥ ಗೋಮುಖವ್ಯಾಘ್ರರಿಂದಾಗಿಯೇ ನಮ್ಮ ದೇಶ ಇನ್ನೂ ಸಹ ಸುಧಾರಿಸಿಲ್ಲ. – ಶ್ರೀರಾಮ ದಿವಾಣ.

ಉಡುಪಿ: ಪಡುಬಿದ್ರಿ ಗ್ರಾಮದಲ್ಲಿ ಸ್ಥಾಪನೆಗೊಂಡ ಸುಜ್ಲಾನ್ ಕಂಪೆನಿಗಾಗಿ ಭೂಮಿ ಕಳೆದುಕೊಂಡು ನಿರ್ವಸಿತರಾದ ಮೂಲನಿವಾಸಿ ಕಡುಬಡ ಕೊರಗ ಕುಟುಂಬಗಳಿಗೆ ಪುನರ್ವಸತಿ ಒದಗಿಸಬೇಕು ಎಂದು ಆಗ್ರಹಿಸಿ ಕರ್ನಾಟಕ ದಲಿತ ಸಂಘರ್ಷ ಸಮಿತಿ (ಪ್ರೊ.ಬಿ.ಕೃಷ್ಣಪ್ಪ ಸ್ಥಾಪಿತ), ಡಿವೈಎಫ್ಐ ಮತ್ತು ಕರ್ನಾಟಕ ಜನಪರ ವೇದಿಕೆ ಇವುಗಳ ಜಂಟೀ ಆಶ್ರಯದಲ್ಲಿ ಜುಲೈ 22ರಂದು ಪಡುಬಿದ್ರಿಯಲ್ಲಿ ಹಕ್ಕೊತ್ತಾಯ ಜಾಥಾ ಹಾಗೂ ಹಕ್ಕೊತ್ತಾಯ ಸಭೆ ನಡೆಯಿತು.

ಪಡುಬಿದ್ರಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಅಬ್ಬೇಡಿ ಆರ್ಆರ್ ಕಾಲನಿಯಿಂದ ಹೊರಟ ಜಾಥಾ, ಪಡುಬಿದ್ರಿ ಗ್ರಾ.ಪಂ.ಕಚೇರಿ ಮುಂಭಾಗದಲ್ಲಿ ಸಮಾಪ್ತಿಗೊಂಡಿತು. ಜಾಥಾದುದ್ದಕ್ಕೂ ಜಾಥಾದಲ್ಲಿ ಪಾಲ್ಗೊಂಡವರು ಸರಕಾರ, ಜಿಲ್ಲಾಡಳಿತ, ಜಿಲ್ಲಾ ಉಸ್ತುವಾರಿ ಸಚಿವ ವಿನಯ ಕುಮಾರ್ ಸೊರಕೆ ಹಾಗೂ ಸುಜ್ಲಾನ್ ಕಂಪೆನಿ ವಿರುದ್ಧ ಘೋಷಣೆಗಳನ್ನು ಕೂಗಿದರು.

ಜಾಥಾದ ಬಳಿಕ ಗ್ರಾ.ಪಂ.ಕಚೇರಿ ಎದುರು ಸಭೆ ನಡೆಸಲಾಯಿತು. ದಲಿತ ಚಿಂತಕರಾದ ಲೋಲಾಕ್ಷ, ದಸಂಸ ವಿಭಾಗೀಯ ಸಂಚಾಲಕರಾದ ಶೇಖರ ಹೆಜಮಾಡಿ, ಡಿವೈಎಫ್ಐ ರಾಜ್ಯಾಧ್ಯಕ್ಷರಾದ ಮುನೀರ್ ಕಾಟಿಪಳ್ಳ, ಕರ್ನಾಟಕ ಜನಪರ ವೇದಿಕೆ ಅಧ್ಯಕ್ಷರಾದ ಶ್ರೀರಾಮ ದಿವಾಣ, ದಲಿತ ಪರ ಹೋರಾಟಗಾರರಾದ ಲಿಂಗಪ್ಪ ನಂತೂರು ಮೊದಲಾದವರು ನಿರ್ವಸಿತ ಕುಟುಂಬಗಳಿಗೆ ನ್ಯಾಯ ಒದಗಿಸಿಕೊಡುವಂತೆ ಸರಕಾರವನ್ನು ಒತ್ತಾಯಿಸಿದರು. ಸಂತ್ರಸ್ತ ಕುಟುಂಬಗಳ ಪರವಾಗಿ ಎಂಎಸ್ಡಬ್ಲೂ ಪದವೀಧರೆ ಶ್ರೀಮತಿ ಮಾತನಾಡಿದರು.

ಭಾರತ ಅಭ್ಯುದಯ ಪ್ರತಿಷ್ಠಾನದ ಅಧ್ಯಕ್ಷರಾದ ಉಮಾನಾಥ ಪಡುಬಿದ್ರಿ, ದಸಂಸ ಮುಖಂಡರಾದ ಹರೀಶ್ ಕಂಚಿನಡ್ಕ, ಕೇಶವ ಸಿ.ಸಾಲ್ಯಾನ್, ಡಿವೈಎಫ್ಐ ಮುಖಂಡರಾದ ವರಪ್ರಸಾದ್ ಬಜಾಲ್, ವಿಠಲ ಮಲೆಕುಡಿಯ, ಜನಪರ ವೇದಿಕೆ ಮುಖಂಡರಾದ ಮೊಹಮ್ಮದ್ ಹಂದಟ್ಟು, ಹೇಮಂತ್ ಕುಂದರ್, ಶೇಖರ ಶೆಟ್ಟಿ, ಪ್ರಕಾಶ್ ಪೂಜಾರಿ ಮುಂತಾದವರು ಉಪಸ್ಥಿತರಿದ್ದರು.

ಹಕ್ಕೊತ್ತಾಯ ಸಭೆಯ ಬಳಿಕ ಗ್ರಾ.ಪಂ.ಅಧ್ಯಕ್ಷರಾದ ವಿಜಯ ಸನಿಲ್ ಹಾಗೂ ಪಿಡಿಓ ಮಮತಾ ಶೆಟ್ಟಿ ಇವರ ಮೂಲಕ ಮುಖ್ಯಮಂತ್ರಿಗಳು, ಕಂದಾಯ ಸಚಿವರು ಹಾಗೂ ಸಮಾಜ ಕಲ್ಯಾಣ ಸಚಿವರಿಗೆ ಬೇಡಿಕೆಗಳ ಮನವಿ ಪತ್ರವನ್ನು ಸಲ್ಲಿಸಲಾಯಿತು.

ಸುಜ್ಲಾನ್ ಕಂಪೆನಿಯು ಇದುವರೆಗೆ ನಡೆಸಿದ ಎಲ್ಲಾ ವ್ಯವಹಾರಗಳನ್ನು ತನಿಖೆಗೆ ಒಳಪಡಿಸಬೇಕು, ಸುಜ್ಲಾನ್ ವಶದಲ್ಲಿರುವ ಹೆಚ್ಚುವರಿ ಭೂಮಿಯನ್ನು ಸರಕಾರ ವಶಪಡಿಸಿಕೊಂಡು ನಿರ್ವಸಿತರಿಗೆ ಹಾಗೂ ಭೂರಹಿತರಿಗೆ ಹಂಚಬೇಕು, ಪಡುಬಿದ್ರಿ ಗ್ರಾಮದ ಸರ್ವೆ ನಂಬ್ರ 69/1 ರಲ್ಲಿರುವ ಭೂಮಿ ಪ್ರಸ್ತುತ ಕೆಐಡಿಬಿ ಸ್ವಾಧೀನದಲ್ಲಿದ್ದು, ಇದನ್ನು ಯಾವುದೇ ಕಾರಣಕ್ಕೂ ಸುಜ್ಲಾನ್ ಗೆ ನೀಡಬಾರದು, ಬದಲಾಗಿ ಇದನ್ನೂ ಸಹ ನಿರ್ವಸಿತರಿಗೆ ಹಾಗೂ ಭೂರಹಿತರಿಗೆ ವಿತರಿಸಬೇಕು, ದಲಿತ ವಿರೋಧಿ ನೀತಿ ಅನುಸರಿಸುತ್ತಿರುವ ಜಿಲ್ಲಾ ಉಸ್ತುವಾರಿ ಸಚಿವ ವಿನಯ ಕುಮಾರ್ ಸೊರಕೆ ಅವರನ್ನು ಸಂಪುಟದಿಂದ ಕೈಬಿಡಬೇಕು, ನಿರ್ವಸಿತ ಕೊರಗ ಕುಟುಂಬದಲ್ಲಿ ಮೂವರು ಪದವೀಧರ ವಿದ್ಯಾರ್ಥಿನಿಯರಿದ್ದು, ಇವರಿಗೆ ಸೂಕ್ತ ಉದ್ಯೋಗ ನೀಡಬೇಕು ಎಂಬ ಬೇಡಿಕೆಗಳನ್ನು ಸರಕಾರದ ಮುಂದೆ ಇರಿಸಲಾಗಿದೆ.

ಕೊಲ್ಲೂರು ನಿತ್ಯಾನಂದ ಮಂದಿರಕ್ಕೆ ಕಲ್ಲೆಸೆದು ಹಾನಿ: ಲಕ್ಷಾಂತರ ರು.ನಷ್ಟ !

Posted: ಜೂನ್ 21, 2014 in Uncategorized
ಟ್ಯಾಗ್ ಗಳು:, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

ಉಡುಪಿ: ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನದ ಹೊರವಲಯದಲ್ಲಿರುವ ಸದ್ಗುರು ಭಗವಾನ್ ಶ್ರೀ ನಿತ್ಯಾನಂದ ಮಂದಿರ ಹಾಗೂ ಗುರು ನಿತ್ಯಾನಂದರ ನೇರ ಶಿಷ್ಯರಾಗಿದ್ದ ಶ್ರೀ ವಿಮಲಾನಂದ ಸ್ವಾಮೀಜಿಯವರ ಸಮಾಧಿಗೆ ಸ್ಥಳೀಯ ದುಷ್ಕರ್ಮಿಗಳು ಕಳೆದ ರಾತ್ರಿ ಕಲ್ಲೆಸೆದು ವ್ಯಾಪಕ ಹಾನಿ ಮಾಡಿದ ಘಟನೆ ನಡೆದಿದೆ.

ಜೂನ್ 20ರ ಮಧ್ಯರಾತ್ರಿ ಭಾರೀ ಮಳೆ ಬೀಳುತ್ತಿದ್ದು, ಇದೇ ಸಮಯದಲ್ಲಿ ಕಿಡಿಗೇಡಿಗಳು ಮಂದಿರ ಮತ್ತು ಸಮಾಧಿಗೆ ನಿರಂತರವಾಗಿ ದೊಡ್ಡ ದೊಡ್ಡ ಕಲ್ಲುಗಳನ್ನು
ಎಸೆಯಲಾರಂಭಿಸಿದರೆನ್ನಲಾಗಿದೆ. ಇದರಿಂದಾಗಿ ಮಂದಿರ ಮತ್ತು ಸಮಾಧಿಗೆ ಲಕ್ಷಾಂತರ ರು. ನಷ್ಟ ಉಂಟಾಗಿದೆ ಎಂದು ದೂರಲಾಗಿದೆ.

ವಿಮಲಾನಂದ ಸ್ವಾಮೀಜಿಗಳನ್ನು ಸ್ಥಳಾಂತರಕ್ಕೆ ಸರಕಾರದ ಮೇಲೆ ಒತ್ತಡ ಹಾಕಿದ ಪಟ್ಟಭದ್ರ ಹಿತಾಸಕ್ತಿಗಳೇ ಈ ದುಷ್ಕೃತ್ಯವನ್ನು ಎಸಗಿದ್ದಾರೆ ಎಂ ಬಲವಾಗಿ ಸಂಶಯಿಸಲಾಗಿದೆ. ಈ ದುಷ್ಟ ಶಕ್ತಿಗಳನ್ನು ಹೊರತುಪಡಿಸಿದರೆ, ಕೊಲ್ಲೂರು ಪರಿಸರದಲ್ಲಿ ನಿತ್ಯಾನಂದ ಮಂದಿರದ ಬಗ್ಗೆಯಾಗಲಿ, ವಿಮಲಾನಂದರ ಸಮಾಧಿಯ ಬಗ್ಗೆಯಾಗಲಿ ಎಲ್ಲರೂ ಗೌರವವನ್ನು ಹೊಂದಿದವರೇ ಆಗಿದ್ದಾರೆ ಎಂದು ನಿತ್ಯಾನಂದ ಮಂದಿರದ ಭಕ್ತಾಭಿಮಾನಿಗಳು ಅಭಿಪ್ರಾಯ
ವ್ಯಕ್ತಪಡಿಸಿದ್ದಾರೆ.

ದೂರು-ಖಂಡನೆ:
ಸ್ಥಾಪಿತ ಹಿತಾಸಕ್ತಿಗಳು ಎಸಗಿದ ಹೀನಾತಿಹೀನ ದುಷ್ಕೃತ್ಯದ ವಿರುದ್ಧ ನಿತ್ಯಾನಂದ ಮಂದಿರದ ವ್ಯವಸ್ಥಾಪಕರಾದ ಜಯಾನಂದ ಅವರು ಕೊಲ್ಲೂರು ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಕೇಮಾರು ಸಾಂದೀಪನಿ ಆಶ್ರಮದ ಈಶ ವಿಠಲದಾಸ ಸ್ವಾಮೀಜಿ, ತುಳು ರಂಗಭೂಮಿ ಮತ್ತು ಚಲನಚಿತ್ರ ನಿರ್ಮಾಪಕರೂ, ನಿರ್ದೇಶಕರೂ ಆದ ವಿಜಯ ಕುಮಾರ್ ಕೊಡಿಯಾಲಬೈಲ್, ಲೇಖಕರಾದ ಜಯಂತ್ ಪಡುಬಿದ್ರಿ, ಶ್ರೀರಾಮ ದಿವಾಣ ಸಹಿತ ಹಲವಾರು ಮಂದಿ ಮಂದಿರಕ್ಕೆ ಕಲ್ಲೆಸೆದು ಹಾನಿಯುಂಟುಮಡಿದವರ ಹೇಯ ಕೃತ್ಯವನ್ನು ತೀವ್ರವಾಗಿ ಖಂಡಿಸಿದ್ದಾರೆ. ಆರೋಪಿಗಳನ್ನು ಕೂಡಲೇ ಪತ್ತೆಹಚ್ಚಿ ಬಂಧಿಸಬೇಕು ಎಂದು ಪೊಲೀಸ್ ಅಧಿಕಾರಿಗಳನ್ನು ಆಗ್ರಹಿಸಿದ್ದಾರೆ.

ಉಡುಪಿ: ನಗರದ ಅಜ್ಜರಕಾಡಿನಲ್ಲಿರುವ ಉಡುಪಿ ಜಿಲ್ಲಾ ಸರಕಾರಿ ಆಸ್ಪತ್ರೆಯ ಆಯುರ್ವೇದ ವಿಭಾಗದಲ್ಲಿ ಜೂನ್ 9ರಂದು ಬೆಳಗ್ಗೆ ವೈದ್ಯರಿಲ್ಲದೆ ಚಿಕಿತ್ಸೆಗೆಂದು ಆಸ್ಪತ್ರೆಗೆ ಬಂದವರು ಬಳಿಕ ಬೇರೆ ದಾರಿ ಇಲ್ಲದೆ ಖಾಸಗಿ ಆಸ್ಪತ್ರೆಯನ್ನು ಅವಲಂಬಿಸಬೇಕಾದ ವಿದ್ಯಾಮಾನ ನಡೆದಿದೆ.

ಜಿಲ್ಲಾಸ್ಪತ್ರೆಯಲ್ಲಿ ಆಯುರ್ವೇದ ವಿಭಾಗವಿದ್ದು, ಇಲ್ಲಿ ಇಬ್ಬರು ವೈದ್ಯರು ಹಾಗೂ ಪ್ರತ್ಯೇಕ ಸಿಬ್ಬಂದಿಗಳಿದ್ದಾರೆ. ಎಂದಿನಂತೆ ಸೋಮವಾರ ಬೆಳಗ್ಗೆ ಕೂಡಾ ಈ ವಿಭಾಗಕ್ಕೆ ಚಿಕಿತ್ಸೆಗಾಗಿ ಮತ್ತು ಔಷಧಕ್ಕಾಗಿ ಅಸೌಖ್ಯ ಬಾಧಿತರು ಆಗಮಿಸಿದ್ದರು. ವೈದ್ಯರನ್ನು ಭೇಟಿಯಾಗಲು ವೈದ್ಯರನ್ನು ಭೇಟಿಯಾಗುವ ಮೊದಲು ಮಾಡಿಸಬೇಕಾದ ಚೀಟಿಯನ್ನು ಸಹ ಹಣ ನೀಡಿ ಪಡೆದುಕೊಂಡಿದ್ದರು.

ಔಷಧಕ್ಕಾಗಿ ಆಸ್ಪತ್ರೆಗೆ ಬಮದ ಚೀಟಿಯನ್ನೂ ಮಾಡಿಸಿಕೊಂಡ ರೋಗಿಗಳು ಮಾತ್ರ ಸೋಮವಾರ ತೀವ್ರ ನಿರಾಸೆ ಅನುಭವಿಸಿದರು. ಇರಬೇಕಾದ ಇಬ್ಬರು ವೈದ್ಯರೂ ಸೋಮವಾರ ಆಸ್ಪತ್ರೆಗೆ ಕರ್ತವ್ಯಕ್ಕೆ ಹಾಜರಾಗಲೇ ಇಲ್ಲ. ಬೆಳಗ್ಗೆ ಗಂಟೆ 10ರಿಂದ 12.15ರ ವರೆಗೆ ವೈದ್ಯರು ಬರಬಹುದು ಎಂದು ಆಸ್ಪತ್ರೆಯಲ್ಲಿ ಕಾದುಕುಳಿತ ರೋಗಿಗಳು ನಂತರ ಸುಸ್ತಾಗಿ ವೈದ್ಯರಿಗೆ, ಸಿಬ್ಬಂದಿಗಳಿಗೆ ಹಾಗೂ ಸರಕಾರಕ್ಕೆ ಹಿಡಿಶಾಪ ಹಾಕುತ್ತಾ ಆಸ್ಪತ್ರೆಯಿಂದ
ನಿರ್ಗಮಿಸಿದರು.

ಆಸ್ಪತ್ರೆಯಿಂದ ನಿರ್ಗಮಿಸುವ ಸಮಯದಲ್ಲಿ ಸಿಬ್ಬಂದಿಗಳು ರೋಗಿಗಳಲ್ಲಿ ಸಂಜೆ ಗಂಟೆ 3.30ಕ್ಕೆ ಮತ್ತೆ ಬರುವಂತೆ ಸೂಚಿಸಿದರೆನ್ನಲಾಗಿದೆ. ಇಲ್ಲಿನ ವೈದ್ಯರು ತಮ್ಮ ಅನುಕೂಲಕ್ಕೆ ತಕ್ಕ ಹಾಗೆ ತಮ್ಮದೇ ಸಮಯಕ್ಕೆ ಆಸ್ಪತ್ರೆಗೆ ಬಂದು ಹಾಜರಿ ಪುಸ್ತಕದಲ್ಲಿ ಸಹಿ ಹಾಕುವುದು, ಆಸ್ಪತ್ರೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಚಿಕಿತ್ಸೆಗಾಗಿ ಯಾರಾದರೂ ಬಂದದ್ದಿದ್ದಲ್ಲಿ ಆಗ ಮಾತ್ರ ಅವರನ್ನು ಪರೀಕ್ಷಿಸಿ ಮತ್ತೆ ಹೊರಗಡೆಗೆ ಹೋಗುವುದು, ಒಂದಿಡೀ ದಿನ ಆಸ್ಪತ್ರೆಗೆ ಬಾರದೇ ಮರುದಿನ ಬಂದು ಹಾಜರಿ ಪುಸ್ತಕದಲ್ಲಿ ಸಹಿ ಹಾಕುವುದು ಇತ್ಯಾದಿ ನಡೆಯುತ್ತಿದೆ. ಇದಾವುದನ್ನೂ ಇಲ್ಲಿ ಹೇಳುವವರು ಕೇಳುವವರು ಇಲ್ಲದಂತಾಗಿದೆ ಎಂದು ನೊಂದವರು ದೂರಿದ್ದಾರೆ.

ವೈದ್ಯರ ನಿರ್ಲಕ್ಷ್ಯದ ಬಗ್ಗೆ ಜಿಲ್ಲಾ ಸರ್ಜನ್ ಡಾ.ಆನಂದ ನಾಯಕ್ ಅವರಲ್ಲಿ ಈ ಹಿಂದೆ ಅನೇಕರು ದೂರು ನೀಡಿದಂತೆಯೇ ಸೋಮವಾರವೂ ದೂರು ನೀಡಿದ್ದಾರೆ. ಆದರೆ ಡಾ.ನಾಯಕ್ರವರು ಬಡ ರೋಗಿಗಳ ದೂರುಗಳನ್ನು ಗಂಭೀರವಾಗಿ ಪರಿಗಣಿಸುವುದೇ ಇಲ್ಲ. ದೂರುಗಳನ್ನು
ಕಡೆಗಣಿಸುವುದರಿಂದಾಗಿ ವೈದ್ಯರು ಜವಾಬ್ದಾರಿಯುತವಾಗಿ ನಡೆದುಕೊಳ್ಳುವುದಿಲ್ಲ ಎನ್ನಲಾಗಿದೆ.

ಈ ಹಿಂದೆ ಇದೇ ಆಸ್ಪತ್ರೆಯಲ್ಲಿ ಪರಿಶಿಷ್ಟ ಜಾತಿಗೆ ಸೇರಿದ ಯುವತಿಯೋರ್ವಳಿಗೆ ಡಾ.ಭಾಸ್ಕರ ಪಾಲನ್ ಎಂಬವರು ಚಿಕಿತ್ಸೆ ನಿರಾಕರಿಸಿದ ಘಟನೆಯೂ ನಡೆದಿತ್ತು. ಈ ಬಗ್ಗೆ ಆರೋಗ್ಯ ಇಲಾಖೆಯ ಪ್ರಧಾನ ಕಾರ್ಯದರ್ಶಿಗಳಿಗೆ ದೂರು ನೀಡಲಾಗಿತ್ತು. ಪ್ರಧಾನ ಕಾರ್ಯದರ್ಶಿಗಳು ಪ್ರಕರಣದ ತನಿಖೆ ನಡೆಸುವಂತೆ ಇಲಾಖಾ ಆಯುಕ್ತರಿಗೆ ಆದೇಶ
ನೀಡಿದ್ದಾರಾದರೂ, ಆಯುಕ್ತರು ದೂರಿನ ಮೇಲೆ ತನಿಖೆಯನ್ನೇ ನಡೆಸದೆ ಮುಚ್ಚಿ
ಹಾಕಿದ್ದಾರೆನ್ನಲಾಗಿದೆ. ಇಂಥ ಹಲವಾರು ಪ್ರಕರಣಗಳು ಇಲ್ಲಿ ನಿರಂತರವಾಗಿ
ನಡೆಯುತ್ತಿದೆಯಾದರೂ, ಸಂತ್ರಸ್ತರಿಗೆ ಮಾತ್ರ ನ್ಯಾಯ ದೊರಕಿಸಿಕೊಡುವ ಪ್ರಾಮಾಣಿಕ ಪ್ರಯತ್ನವನ್ನು ಮಾತ್ರ ಯಾರೊಬ್ಬರೂ ಮಾಡುತ್ತಿಲ್ಲವೆಂದು ಆರೋಪಿಸಲಾಗಿದೆ.

ಶಾಸಕ ಪ್ರಮೋದ್ ಮಧ್ವರಾಜ್, ಜಿಲ್ಲಾ ಉಸ್ತುವಾರಿ ಸಚಿವ ವಿನಯ ಕುಮಾರ್ ಸರಕೆ ಹಾಗೂ ಆರೋಗ್ಯ ಸಚಿವ ಯು.ಟಿ.ಖಾದರ್ ಯಾರೊಬ್ಬರೂ ಸರಕಾರಿ ಆಸ್ಪತ್ರೆಯನ್ನು ಬಡ ರೋಗಿಗಳ ಪರವಾಗಿ ಸುಧಾರಣೆ ಮಾಡುವ ಕಡೆಗೆ ಕಾಳಜಿಯಿಂದ ಗಮನ ಕೊಡದೆ ಕಾರಣ, ಸರಕಾರಿ
ಆಸ್ಪತ್ರೆಗಳೆಂದರೆ ಬಡವರಿಗೆ ಇಂದು ನರಕಮಯವಾಗಿ ಪರಿಣಮಿಸಿದೆ.

ಉಡುಪಿ: ನಗರದ ಅಜ್ಜರಕಾಡಿನಲ್ಲಿರುವ ಉಡುಪಿ ಜಿಲ್ಲಾ ಸರಕಾರಿ ಆಸ್ಪತ್ರೆಯ ಆಯುರ್ವೇದ ವಿಭಾಗದಲ್ಲಿ ಜೂನ್ 9ರಂದು ಬೆಳಗ್ಗೆ ವೈದ್ಯರಿಲ್ಲದೆ ಚಿಕಿತ್ಸೆಗೆಂದು ಆಸ್ಪತ್ರೆಗೆ ಬಂದವರು ಬಳಿಕ ಬೇರೆ ದಾರಿ ಇಲ್ಲದೆ ಖಾಸಗಿ ಆಸ್ಪತ್ರೆಯನ್ನು ಅವಲಂಬಿಸಬೇಕಾದ ವಿದ್ಯಾಮಾನ ನಡೆದಿದೆ.

ಜಿಲ್ಲಾಸ್ಪತ್ರೆಯಲ್ಲಿ ಆಯುರ್ವೇದ ವಿಭಾಗವಿದ್ದು, ಇಲ್ಲಿ ಇಬ್ಬರು ವೈದ್ಯರು ಹಾಗೂ ಪ್ರತ್ಯೇಕ ಸಿಬ್ಬಂದಿಗಳಿದ್ದಾರೆ. ಎಂದಿನಂತೆ ಸೋಮವಾರ ಬೆಳಗ್ಗೆ ಕೂಡಾ ಈ ವಿಭಾಗಕ್ಕೆ ಚಿಕಿತ್ಸೆಗಾಗಿ ಮತ್ತು ಔಷಧಕ್ಕಾಗಿ ಅಸೌಖ್ಯ ಬಾಧಿತರು ಆಗಮಿಸಿದ್ದರು. ವೈದ್ಯರನ್ನು ಭೇಟಿಯಾಗಲು ವೈದ್ಯರನ್ನು ಭೇಟಿಯಾಗುವ ಮೊದಲು ಮಾಡಿಸಬೇಕಾದ ಚೀಟಿಯನ್ನು ಸಹ ಹಣ ನೀಡಿ ಪಡೆದುಕೊಂಡಿದ್ದರು.

ಔಷಧಕ್ಕಾಗಿ ಆಸ್ಪತ್ರೆಗೆ ಬಮದ ಚೀಟಿಯನ್ನೂ ಮಾಡಿಸಿಕೊಂಡ ರೋಗಿಗಳು ಮಾತ್ರ ಸೋಮವಾರ ತೀವ್ರ ನಿರಾಸೆ ಅನುಭವಿಸಿದರು. ಇರಬೇಕಾದ ಇಬ್ಬರು ವೈದ್ಯರೂ ಸೋಮವಾರ ಆಸ್ಪತ್ರೆಗೆ ಕರ್ತವ್ಯಕ್ಕೆ ಹಾಜರಾಗಲೇ ಇಲ್ಲ. ಬೆಳಗ್ಗೆ ಗಂಟೆ 10ರಿಂದ 12.15ರ ವರೆಗೆ ವೈದ್ಯರು ಬರಬಹುದು ಎಂದು ಆಸ್ಪತ್ರೆಯಲ್ಲಿ ಕಾದುಕುಳಿತ ರೋಗಿಗಳು ನಂತರ ಸುಸ್ತಾಗಿ ವೈದ್ಯರಿಗೆ, ಸಿಬ್ಬಂದಿಗಳಿಗೆ ಹಾಗೂ ಸರಕಾರಕ್ಕೆ ಹಿಡಿಶಾಪ ಹಾಕುತ್ತಾ ಆಸ್ಪತ್ರೆಯಿಂದ ನಿರ್ಗಮಿಸಿದರು.

ಆಸ್ಪತ್ರೆಯಿಂದ ನಿರ್ಗಮಿಸುವ ಸಮಯದಲ್ಲಿ ಸಿಬ್ಬಂದಿಗಳು ರೋಗಿಗಳಲ್ಲಿ ಸಂಜೆ ಗಂಟೆ 3.30ಕ್ಕೆ ಮತ್ತೆ ಬರುವಂತೆ ಸೂಚಿಸಿದರೆನ್ನಲಾಗಿದೆ. ಇಲ್ಲಿನ ವೈದ್ಯರು ತಮ್ಮ ಅನುಕೂಲಕ್ಕೆ ತಕ್ಕ ಹಾಗೆ ತಮ್ಮದೇ ಸಮಯಕ್ಕೆ ಆಸ್ಪತ್ರೆಗೆ ಬಂದು ಹಾಜರಿ ಪುಸ್ತಕದಲ್ಲಿ ಸಹಿ ಹಾಕುವುದು, ಆಸ್ಪತ್ರೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಚಿಕಿತ್ಸೆಗಾಗಿ ಯಾರಾದರೂ ಬಂದದ್ದಿದ್ದಲ್ಲಿ ಆಗ ಮಾತ್ರ ಅವರನ್ನು ಪರೀಕ್ಷಿಸಿ ಮತ್ತೆ ಹೊರಗಡೆಗೆ ಹೋಗುವುದು, ಒಂದಿಡೀ ದಿನ ಆಸ್ಪತ್ರೆಗೆ ಬಾರದೇ ಮರುದಿನ ಬಂದು ಹಾಜರಿ ಪುಸ್ತಕದಲ್ಲಿ ಸಹಿ ಹಾಕುವುದು ಇತ್ಯಾದಿ ನಡೆಯುತ್ತಿದೆ. ಇದಾವುದನ್ನೂ ಇಲ್ಲಿ ಹೇಳುವವರು ಕೇಳುವವರು ಇಲ್ಲದಂತಾಗಿದೆ ಎಂದು ನೊಂದವರು ದೂರಿದ್ದಾರೆ.

ವೈದ್ಯರ ನಿರ್ಲಕ್ಷ್ಯದ ಬಗ್ಗೆ ಜಿಲ್ಲಾ ಸರ್ಜನ್ ಡಾ.ಆನಂದ ನಾಯಕ್ ಅವರಲ್ಲಿ ಈ ಹಿಂದೆ ಅನೇಕರು ದೂರು ನೀಡಿದಂತೆಯೇ ಸೋಮವಾರವೂ ದೂರು ನೀಡಿದ್ದಾರೆ. ಆದರೆ ಡಾ.ನಾಯಕ್ರವರು ಬಡ ರೋಗಿಗಳ ದೂರುಗಳನ್ನು ಗಂಭೀರವಾಗಿ ಪರಿಗಣಿಸುವುದೇ ಇಲ್ಲ. ದೂರುಗಳನ್ನು ಕಡೆಗಣಿಸುವುದರಿಂದಾಗಿ ವೈದ್ಯರು ಜವಾಬ್ದಾರಿಯುತವಾಗಿ ನಡೆದುಕೊಳ್ಳುವುದಿಲ್ಲ ಎನ್ನಲಾಗಿದೆ.

ಈ ಹಿಂದೆ ಇದೇ ಆಸ್ಪತ್ರೆಯಲ್ಲಿ ಪರಿಶಿಷ್ಟ ಜಾತಿಗೆ ಸೇರಿದ ಯುವತಿಯೋರ್ವಳಿಗೆ ಡಾ.ಭಾಸ್ಕರ ಪಾಲನ್ ಎಂಬವರು ಚಿಕಿತ್ಸೆ ನಿರಾಕರಿಸಿದ ಘಟನೆಯೂ ನಡೆದಿತ್ತು. ಈ ಬಗ್ಗೆ ಆರೋಗ್ಯ ಇಲಾಖೆಯ ಪ್ರಧಾನ ಕಾರ್ಯದರ್ಶಿಗಳಿಗೆ ದೂರು ನೀಡಲಾಗಿತ್ತು. ಪ್ರಧಾನ ಕಾರ್ಯದರ್ಶಿಗಳು ಪ್ರಕರಣದ ತನಿಖೆ ನಡೆಸುವಂತೆ ಇಲಾಖಾ ಆಯುಕ್ತರಿಗೆ ಆದೇಶ
ನೀಡಿದ್ದಾರಾದರೂ, ಆಯುಕ್ತರು ದೂರಿನ ಮೇಲೆ ತನಿಖೆಯನ್ನೇ ನಡೆಸದೆ ಮುಚ್ಚಿ ಹಾಕಿದ್ದಾರೆನ್ನಲಾಗಿದೆ. ಇಂಥ ಹಲವಾರು ಪ್ರಕರಣಗಳು ಇಲ್ಲಿ ನಿರಂತರವಾಗಿ
ನಡೆಯುತ್ತಿದೆಯಾದರೂ, ಸಂತ್ರಸ್ತರಿಗೆ ಮಾತ್ರ ನ್ಯಾಯ ದೊರಕಿಸಿಕೊಡುವ ಪ್ರಾಮಾಣಿಕ ಪ್ರಯತ್ನವನ್ನು ಮಾತ್ರ ಯಾರೊಬ್ಬರೂ ಮಾಡುತ್ತಿಲ್ಲವೆಂದು ಆರೋಪಿಸಲಾಗಿದೆ.

ಶಾಸಕ ಪ್ರಮೋದ್ ಮಧ್ವರಾಜ್, ಜಿಲ್ಲಾ ಉಸ್ತುವಾರಿ ಸಚಿವ ವಿನಯ ಕುಮಾರ್ ಸರಕೆ ಹಾಗೂ ಆರೋಗ್ಯ ಸಚಿವ ಯು.ಟಿ.ಖಾದರ್ ಯಾರೊಬ್ಬರೂ ಸರಕಾರಿ ಆಸ್ಪತ್ರೆಯನ್ನು ಬಡ ರೋಗಿಗಳ ಪರವಾಗಿ ಸುಧಾರಣೆ ಮಾಡುವ ಕಡೆಗೆ ಕಾಳಜಿಯಿಂದ ಗಮನ ಕೊಡದೆ ಕಾರಣ, ಸರಕಾರಿ ಆಸ್ಪತ್ರೆಗಳೆಂದರೆ ಬಡವರಿಗೆ ಇಂದು ನರಕಮಯವಾಗಿ ಪರಿಣಮಿಸಿದೆ.

ಉಡುಪಿ: ಕಾರ್ಕಳ ತಾಲೂಕು ಕುಚ್ಚೂರು ಕಾನ್ಬೆಟ್ಟು ಬೈಲುಮನೆ ಪರಿಸರದಲ್ಲಿ ಬಿಜು ಪಿ.ಎಂ. ಎಂಬವರು ದೊಡ್ಡ ಪ್ರಮಾಣದಲ್ಲಿ ಯಾವುದೇ ಪರವಾನಿಗೆ ಪಡೆದುಕೊಲ್ಳದೆ ಅನಧಿಕೃತವಾಗಿ ನಡೆಸುತ್ತಿರುವ ಕೋಳಿಫಾರಂನ್ನು ಕೂಡಲೇ ತೆರವುಗೊಳಿಸಬೇಕು ಎಂದು ಕುಚ್ಚೂರು ಗ್ರಾಮಸ್ಥರ ಪರವಾಗಿ ಸ್ಥಳೀಯ ಶಿಕ್ಷಕರಾದ ಸುರೇಶ್ ಶೆಟ್ಟಿ ಜಿಲ್ಲಾಡಳಿತ ಮತ್ತು ಸ್ಥಳೀಯಾಡಳಿತ ಸಂಸ್ಥೆಗಳನ್ನು ಆಗ್ರಹಿಸಿದ್ದಾರೆ.

ಉಡುಪಿ ಪ್ರೆಸ್ ಕ್ಲಬ್ ನಲ್ಲಿ ಮೇ.23ರಂದು ನಡೆಸಿದ ಮಾಧ್ಯಮಗೋಷ್ಟಿಯಲ್ಲಿ ಅವರು ಕೋಳಿಫಾರಂ ವಿರುದ್ಧ ಎರಡು ತಿಂಗಳಿಂದ ಊರವರು ನಡೆಸಿದ ಹೋರಾಟ ಮತ್ತು ಕ್ರಮ ಕೈಗೊಳ್ಳದ ಅಧಿಕಾರಿಗಳ ಬಗ್ಗೆ ವಿವರ ನೀಡಿದರು.

ಕಿಶನ್ ಚಂದ್ರ ಶೆಟ್ಟಿ ಎಂಬವರಿಗೆ ಸೇರಿದ 13 ಎಕ್ರೆ ಕೃಷಿ ಭೂಮಿಯಲ್ಲಿನ 10 ಸೆಂಟ್ಸ್ ಜಾಗದಲ್ಲಿ ಕೇರಳ ಮೂಲದ ಬಿಜು ಪಿ.ಎಂ. ಎಂಬವರ ಹೆಸರಿನಲ್ಲಿ ಶೆಡ್ ಮಾದರಿಯ ಕಟ್ಟಡಕ್ಕೆ ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಪರವಾನಿಗೆ ನೀಡಿದ್ದಾರೆ. ಇದಕ್ಕೂ ಮೊದಲು ಕಿಶನ್ ಶೆಟ್ಟಿ ಅವರು ಸಕಾಲದಲ್ಲಿ ಆರ್ಸಿಸಿ ಕಟ್ಟಡಕ್ಕೆ ಪರವಾನಿಗೆ ಕೋರಿ ಅರ್ಜಿ ಸಲ್ಲಿಸಿದ್ದಾರೆ. ಇದರಲ್ಲಿ ಕೋಳಿಫಾರಂ ಎಂದು ನಕ್ಷಿಯಲ್ಲಿ ನಮೂದಿಸಿ ಕಟ್ಟಡ ನಕ್ಷೆಗೆ ಅನುಮತಿ ಪಡೆದುಕೊಂಡಿದ್ದಾರೆ. ಆದರೆ ನಕ್ಷೆಯಂತೆ ಕಟ್ಟಡ ಕಟ್ಟಿರುವುದಿಲ್ಲ. ಬಳಿಕ ಮನೆ ಬಳಕೆಯ ವಿದ್ಯುತ್ಗಾಗಿ ಬಿಜು. ಪಿ.ಎಂ. ಹೆಸರಿನಲ್ಲಿ ಇದೇ ಕಟ್ಟಡಕ್ಕೆ ವಿದ್ಯುತ್ ಸಂಪರ್ಕವನ್ನೂ ಪಡೆದುಕೊಂಡು ಅನಧಿಕೃತವಾಗಿ ಕೋಳಿಫಾರಂ ಆರಂಭಿಸಲಾಗಿದೆ. ಫಾರಂನಲ್ಲಿ 3000 ಕೋಳಿಗಳಿದ್ದು, ಇದರಿಂದಾಗಿ ಪರಿಸರ ಪ್ರದೇಶದಲ್ಲಿ ಇದೀಗ ಭಾರೀ ದುರ್ವಾಸನೆ ಹರಡಿದೆ. ಮಾತ್ರವಲ್ಲ ಮನೆಗಳಲ್ಲಿ ನೊಣ ಮತ್ತು ಸೊಳ್ಳೆಗಳ ಹೆಚ್ಚಾಗಿದೆ ಎಂದು ಸುರೇಶ್ ಶೆಟ್ಟಿ ಕಳವಳ ವ್ಯಕ್ತಪಡಿಸಿದರು.

ಅನಧಿಕೃತ ಕೋಳಿಫಾರಂ ಶಾಲಾ ಮಕ್ಕಳು ಹಾಗೂ ಸಾರ್ವಜನಿಕರು ನಡೆದಾಡುವ ರಸ್ತೆ ಬದಿಯಲ್ಲಿಯೇ ಇದೆ. ಸಮೀಪವೇ ಶಾಲೆಯೂ ಇದೆ. ರಸ್ತೆ ಬದಿಯಲ್ಲಿಯೇ ತ್ಯಾಜ್ಯವನ್ನೂ ಎಸೆಯಲಾಗುತ್ತಿದೆ. ಪರಿಸರದಲ್ಲಿ 50ರಿಮದ 60 ಮನೆಗಳಿವೆ. ಈ ಎಲ್ಲಾ ವಿಷಯಗಳನ್ನು ವಿವರಿಸಿ ಹೆಬ್ರಿ ವೈದ್ಯಾಧಿಕಾರಿ ಡಾ.ನರಸಿಂಹ ನಾಯಕ್ ರಿಗೆ ದೂರು ನೀಡಿದರೆ ಅವರು ದೂರನ್ನೇ ಸ್ವೀಕರಿಸಲಿಲ್ಲ. ಪರಿಸರ ಇಲಾಖಾಧಿಕಾರಿಗಳಲ್ಲಿ ಈ ಬಗ್ಗೆ ವಿಚಾರಿಸಿದರೆ, ಇದು ತಮ್ಮ ಇಲಾಖೆಗೆ ಸಂಬಂಧಪಡುವುದಿಲ್ಲವೆಂದು ಉತ್ತರಿಸಿ ನಿರ್ಲಕ್ಷಿಸಿದ್ದಾರೆ ಎಂದು ಸುರೇಶ್ ಶೆಟ್ಟಿ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದರು.

ಈ ಪ್ರಕರಣದಲ್ಲಿ ಕುಚ್ಚೂರು ಗ್ರಾ.ಪಂ.ಪಿಡಿಓ ರಾಧಾಕೃಷ್ಣ ರಾವ್ ಹಾಗೂ ತಹಶಿಲ್ದಾರ್ ರವರು ಗಂಭೀರವಾಗಿ ನಡೆದುಕೊಳ್ಳುತ್ತಿಲ್ಲ. ಪ್ರಕರಣದ ಬಗ್ಗೆ ತನಿಖೆ ನಡೆಸಿ ವರದಿ ನೀಡುವಂತೆ ಜಿಲ್ಲಾಧಿಕಾರಿಗಳು ಸೂಚಿಸಿದರೂ, ತಹಶಿಲ್ದಾರರು ತನಿಖೆ ನಡೆಸುವ ಪ್ರಕ್ರಿಯೆಯನ್ನೇ ನಡೆಸುತ್ತಿಲ್ಲ. ಪಿಡಿಓ ಕೋಳಿಫಾರಂ ನಡೆಸುವವರ ಜೊತೆಗೆ
ಶಾಮೀಲಾಗಿದ್ದಾರೆ ಎಂಬ ಶಂಕೆ ಇದೆ ಎಂದು ಸುರೇಶ್ ಶೆಟ್ಟಿ ಆರೋಪಿಸಿದರು.

15 ದಿನ ಕಾಲಾವಕಾಶ – ತಪ್ಪಿದರೆ ಹೋರಾಟ; ಪ್ರಸನ್ನ ಶೆಟ್ಟಿ

ಕೋಳಿಫಾರಂ ವಿರುದ್ಧ ಈಗಾಗಲೇ ಜಿಲ್ಲಾಧಿಕಾರಿಗಳು, ತಾಲೂಕು ಪಂಚಾಯತ್ ಕಾರ್ಯನಿರ್ವಹಣಾ ಅಧಿಕಾರಿಗಳು, ಪರಿಸರ ಇಲಾಖಾಧಿಕಾರಿಗಳು, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖಾಧಿಕಾರಿಗಳು ಹೀಗೆ ಎಲ್ಲರಿಗೂ ದೂರು ನೀಡಲಾಗಿದೆ. ಮುಂದಿನ 15 ದಿನಗಳ ಒಳಗೆ ಕೋಳಿಫರಂನ್ನು ತೆರವುಗೊಳಿಸದೇ ಇದ್ದಲ್ಲಿ ಮೊದಲ ಹಂತವಾಗಿ ಗ್ರಾಮ ಪಂಚಾಯತ್ಗೆ ಮುತ್ತಿಗೆ ಮತ್ತು ಎರಡನೇ ಹಂತವಾಗಿ ಜಿಲ್ಲಾಧಿಕಾರಿ ಕಚೇರಿ ಮುಂದೆ ಧರಣಿ
ನಡೆಸಲಿರುವುದಾಗಿ ಮಾಧ್ಯಮಗೋಷ್ಟಿಯಲ್ಲಿ ಉಪಸ್ಥಿತರಿದ್ದ ಕರ್ನಾಟಕ ರಕ್ಷಣಾ ವೇದಿಕೆಯ ಜಿಲ್ಲಾಧ್ಯಕ್ಷ ಪ್ರಸನ್ನ ಶೆಟ್ಟಿ ಮುನ್ನೆಚ್ಚರಿಕೆ ನೀಡಿದ್ದಾರೆ.

ಸೂರ್ಯಣ್ಣ ಶೆಟ್ಟಿ, ಕೃಷ್ಣ ಪೂಜಾರಿ ಮೊದಲಾದವರು ಉಪಸ್ಥಿತರಿದ್ದರು.

ಉಡುಪಿ: ಉಡುಪಿ ನಗರಸಭಾ ವ್ಯಾಪ್ತಿಯಲ್ಲಿ ಉದ್ದಿಮೆ ಪರವಾನಿಗೆ ಶುಲ್ಕವನ್ನು ಈ ಹಿಂದಿನ ದರಕ್ಕಿಂತ ಹತ್ತು ಪಟ್ಟು ಹೆಚ್ಚಿಸಲಾಗಿದ್ದು, ಏರಿಸಿದ ದರವನ್ನು ಇಳಿಸುವಂತೆ ಆಗ್ರಹಿಸಿ ಹಾಗೂ ದರ ಪರಿಷ್ಕರಣೆ ಮಾಡಿದ ಆಡಳಿತ ಕಾಂಗ್ರೆಸ್ ಕ್ರಮವನ್ನು ಖಂಡಿಸಿ ವಿರೋಧ ಪಕ್ಷವಾದ ಬಿಜೆಪಿ ಸದಸ್ಯರು ಫೆ.28ರಂದು ನಡೆದ ನಗರಸಭೆಯ ಸಾಮಾನ್ಯಸಭೆಯಲ್ಲಿ ಪ್ರತಿಭಟಿಸಿದ ಅಪರೂಪದ ಪ್ರಸಂಗ ನಡೆಯಿತು.

ಸಭೆ ಆರಂಭಕ್ಕೆ ಪ್ರಶ್ನೋತ್ತರ ಅವಧಿ ಆರಂಭವಾಗುತ್ತಿದ್ದಂತೆಯೇ ವಿರೋಧ ಪಕ್ಷದ ನಾಯಕರಾದ ಡಾ.ಎಂ.ಅರ್.ಪೈ ಅವರು ಎದ್ದು ನಿಂತು, ಕುಂದಾಪುರ ಪುರಸಭಾ ಆಡಳಿತ ತಪ್ಪು ಮಾಡಿತೆಂದು ನೀವೇಕೆ ಉದ್ದಿಮೆ ಪರವಾನಿಗೆ ಶುಲ್ಕ ಏರಿಸಿ ತಪ್ಪು ಮಾಡಿದಿರಿ, ವರ್ಷಕ್ಕೆ 500 ರು.ಗಿಂತ ಹೆಚ್ಚು ಏರಿಸಲು ಕಾನೂನಿನಲ್ಲಿ ಅವಕಾಶವಿಲ್ಲ. ಏರಿಸಿದ ಕ್ರಮ ಕಾನೂನು ಬಾಹಿರವಾಗಿದ್ದು, ಇನ್ನು ಏರಿಸಿದ ದರವನ್ನು ಇಳಿಸಲು ಇಲ್ಲಿ ನಮ್ಮಿಂದ ಸಾಧ್ಯವಿಲ್ಲ. ಇದಕ್ಕೆ ಆಡಳಿತ ಕಾಂಗ್ರೆಸ್ ಕಾರಣ ಎಂದು ಆರೋಪಿಸಿದರು.

ವಿರೋಧ ಪಕ್ಷದ ನಾಯಕರ ಆರೋಪಕ್ಕೆ ಅಧ್ಯಕ್ಷ ಯುವರಾಜ್ ಪುತ್ತೂರು ಅವರು, ವಿಷಯ ಸಪ್ಲಿಮೆಂಟರಿ ಅಜೆಂಡಾದಲ್ಲಿ ಇರಿಸಲಾಗಿದೆ. ಆಗ ಈ ವಿಷಯವನ್ನು ಚರ್ಚೆ ಮಾಡೋಣ, ಈಗ ಬೇಡ ಎಂದು ಉತ್ತರಿಸಿದಾಗ ವಿರೋದ ಪಕ್ಷದ ಎಲ್ಲಾ ಸದಸ್ಯರು ಪೂರ್ವ ನಿರ್ಧರಿತರಾದವರಂತೆ ಕೈಯ್ಯಲ್ಲಿ ಧಿಕ್ಕಾರದ ಫಲಕ ಹಿಡಿದುಕೊಂಡು ಪ್ರದರ್ಶಿಸುತ್ತಾ ಎದ್ದು ನಿಂತು ಪ್ರತಿಭಟನೆ ಪ್ರಾರಂಭಿಸಿದರು.

ಉದ್ದಿಮೆ ಪರವಾನಿಗೆ ಶುಲ್ಕವನ್ನು ಏರಿಸಿದ ಬಗ್ಗೆ ಗಜೆಟ್ ನೋಟಿಫಿಕೇಶನ್ ಆಗಿದೆ ಎಂದು ಹೇಳುತ್ತೀರಿ. ಅದಾಗಿದ್ದರೆ ಅದರ ಪ್ರತಿ ಶಾಸಕರಿಗೆ ಬರಲೇಬೇಕು. ಅವರಿಗಿದು ವಿಷಯ ಗೊತ್ತಿರಲಿಲ್ಲವೇ, ಅವರೇಕೆ ಇದನ್ನು ವಿರೋಧಿಸಲಿಲ್ಲ ಎಂದು ಪ್ರಶ್ನಿಸಿದ ಎಂ.ಆರ್.ಪೈ, ಜನರ ಹಿತಾಸಕ್ತಿಗೆ ವಿರುದ್ಧವಾದ ಪರವಾನಿಗೆ ಶುಲ್ಕ ಏರಿಕೆ ಕ್ರಮದ ಬಗ್ಗೆ ಮೊದಲು ಚರ್ಚೆಯಾಗಬೇಕು ಮತ್ತು ಉತ್ತರ ಕೊಡಬೇಕು ಎಂದು ಪಟ್ಟು ಹಿಡಿದರು.

ಈ ಸಂದರ್ಭದಲ್ಲಿ ಡಳಿತ ಮತ್ತು ವಿರೋಧ ಪಕ್ಷದ ಸದಸ್ಯರು ಪರಸ್ಪರ ಬೊಬ್ಬೆ ಹೊಡೆದರು. ಪರಸ್ಪರ ವಾದ-ಪ್ರತಿ ವಾದಗಳಿಂದಾಗಿ ಈ ಸಮಯದಲ್ಲಿ ಯಾರು ಏನು ಹೇಳುತ್ತಿದ್ದಾರೆಂಬುದೇ ಯಾರಿಗೂ ಗೊತ್ತಾಗಲಿಲ್ಲ. ಆಡಳಿತದಿಂದ ಕರ್ತವ್ಯಲೋಪ, ಕ್ರೀಯಾಲೋಪವಾಗುತ್ತಿದೆ ಎಂದು ವಿರೋಧ ಪಕ್ಷದ ಸದಸ್ಯರು ಹೇಳಿದರೆ, ಪರವಾನಿಗೆ ಶುಲ್ಕ ಏರಿಕೆ ಕ್ರಮಕ್ಕೆ ನಮ್ಮ ವಿರೋಧವೂ ಇದೆ. ಆದರೆ ದರ ಏರಿಸಿದ್ದು, ಜಿಲ್ಲಾಧಿಕಾರಿಗಳು ನಗರಸಭೆ
ಆಡಳಿತಾಧಿಕಾರಿಯಾಗಿದ್ದಾಗಲೇ ಹೊರತು ಕಾಂಗ್ರೆಸ್ ಆಡಳಿತವಲ್ಲ ಎಂದು ಅಧ್ಯಕ್ಷರು ಹಾಗೂ ಇತರ ಅಡಳಿತ ಪಕ್ಷದ ಸದಸ್ಯರು ಸ್ಪಷ್ಟಪಡಿಸಿದರು.

ಆರಂಭದ ಸುಮಾರು 20 ನಿಮಿಷಗಳ ಕಾಲ ಪರವಾನಿಗೆ ಶುಲ್ಕದ ಮೇಲೆಯೇ ಸಭೆಯಲ್ಲಿ ಗದ್ದಲ ನಡೆಯಿತು. ಬಳಿಕವೂ ವಿರೋಧ ಪಕ್ಷದ ಸದಸ್ಯರು ಪಟ್ಟು ಬಿಡದೆ ಅಧ್ಯಕ್ಷರಿಂದ ಉತ್ತರ ಬಯಸಿ ಪ್ರತಿಭಟನೆ ಮುಂದುವರಿಸಿದಾಗ, ಪ್ರತಿಭಟನೆಯನ್ನು ನಿರ್ಲಕ್ಷಿಸಿ ಅದೇ ಗದ್ದಲದ ನಡುವೆಯೇ ಅಧ್ಯಕ್ಷರು ಅಜೆಂಡಾವನ್ನು ಕೈಗೆತ್ತಿಕೊಂಡು ಸಭೆಯನ್ನು ಮುಂದುವರಿಸಿದರು.

ಒಂದು ಹಂತದಲ್ಲಿ ಮಧ್ಯ ಪ್ರವೇಶಿಸಿ ಮಾತನಾಡಿದ ಶಾಸಕ ಪ್ರಮೋದ್ ಮಧ್ವರಾಜ್, ಕಾಂಗ್ರೆಸ್ ಪ್ರಣಾಳಿಕೆಯಲ್ಲಿ ಹೇಳಿದಂತೆ, ಮುಂದಿನ ಮೂರು ವರ್ಷ ಕಾಲ ಯಾವುದೇ ತೆರಿಗೆಯನ್ನು ಏರಿಸುವುದಿಲ್ಲ ಎಂದು ಷ್ಪಷ್ಟಪಡಿಸಿದರು.

ಯಾವ ಅಜೆಂಡಾದ ಬಗ್ಗೆ ಯಾವ ಸದಸ್ಯರು ಯಾವ ಅಭಿಪ್ರಾಯ ವ್ಯಕ್ತಪಡಿಸಿದರು ಎಂಬುದು ಸಹ ಗದ್ದಲದಿಂದಾಗಿ ಯಾರಿಗೂ ಕೇಳುವಂತಿರಲಿಲ್ಲವಾದ ಕಾರಣ, ಸಭೆ ಆರಂಭಗೊಂಡ ಕೇವಲ ಮುಕ್ಕಾಲು ಗಂಟೆಯ ಅವಧಿಯಲ್ಲಿ ಗಂಟೆ 11.15ಕ್ಕೆ ಅಧ್ಯಕ್ಷರು ಸಾಮಾನ್ಯ ಸಭೆಯನ್ನು ಮುಂದಿನ ತಿಂಗಳಿಗೆ ಮುಂದೂಡಿ ವೇದಿಕೆಯಿಂದ ಕೆಳಗಿಳಿದ ವಿದ್ಯಾಮಾನಕ್ಕೂ ಮೊದಲ ಬಾರಿಗೆ ಉಡುಪಿ ನಗರಸಭೆಯ ಸಾಮಾನ್ಯಸಭೆ ಸಾಕ್ಷಿಯಾಯಿತು. ಈ ಸಮಯದಲ್ಲಿಯೂ ಆಡಳಿತ ಪಕ್ಷದ ಸದಸ್ಯರು ಜೈ ಜೈ ಎಂದು ಘೊಷಣೆ ಕೂಗಿದರೆ, ವಿರೋಧಿ ಸದಸ್ಯರು ಧಿಕ್ಕಾರ ಧಿಕ್ಕಾರ ಎಂಬ ಘೋಷಣೆ ಮೊಳಗಿಸಿದರು.

ಏರಿಸಿದಾಗ ಆಕ್ಷೇಪ ದಾಖಲಿಸದ ಆಡಳಿತ, ವಿರೋಧ ಪಕ್ಷದ ಸದಸ್ಯರು !

ಉಡುಪಿ ನಗರಸಭಾ ವ್ಯಾಪ್ತಿಯಲ್ಲಿ ಉದ್ದಿಮೆ ಪರವಾನಿಗೆ ಶುಲ್ಕವನ್ನು ನಗರಸಭೆಯಲ್ಲಿ ಜಿಲ್ಲಾಧಿಕಾರಿ ಡಾ.ಎಂ.ಟಿ.ರೇಜು ಅವರು ಆಡಳಿತಾಧಿಕಾರಿಯಾಗಿದ್ದಾಗ 2013ರ ಜೂನ್ 4ರಂದು ಪರಿಷ್ಕರಣೆ ಮಾಡಲಾಗಿತ್ತು. ಪರಿಷ್ಕರಿಸಲಾದ ದರವನ್ನು ಕರ್ನಾಟಕ ರಾಜ್ಯಪತ್ರದಲ್ಲಿ ಜೂನ್ 27ರಂದು ಪ್ರಕಟಿಸಲಾಗಿತ್ತು. ಈ ಪ್ರಕಟಣೆಯ ಪ್ರತಿಯನ್ನು ಜುಲೈ ಒಂದರಂದು ಸೂಚನಾ ಫಲಕದಲ್ಲಿ ಸಾರ್ವಜನಿಕರ ಅವಗಾಹನೆಗಾಗಿ ಪ್ರದರ್ಶಿಸಲಾಗಿತ್ತು ಮತ್ತು ಇದಕ್ಕೆ ಯಾರೊಬ್ಬರದೂ, ಯಾವುದೇ ರೀತಿಯ ಆಕ್ಷೇಪಗಳೂ ಬಾರದ ಹಿನ್ನೆಲೆಯಲ್ಲಿ ಆಗಸ್ಟ್ 20ರ ಆಡಳಿತಾಧಿಕಾರಿಯಾಗಿದ್ದ ಜಿಲ್ಲಾಧಿಕಾರಿಯವರ ನಿರ್ಣಯದಂತೆ ನಿಗದಿಪಡಿಸಿದ ಪರಿಷ್ಖೃತ ದರವನ್ನು ಜ್ಯಾರಿಗೊಳಿಸುವ ನಿಟ್ಟಿನಲ್ಲಿ ಮಂಜೂರಾತಿಗಾಗಿ ಸರಕಾರಕ್ಕೆ ಕಳುಹಿಸಲು ಮತ್ತು ಸರಕಾರದ ಮಂಜೂರಾತಿ ನಿರೀಕ್ಷಣೆ ಮೇರೆಗೆ ಪರಿಷ್ಕೃತ ದರವನ್ನು ಜಾರಿಗೆ ತರಲು ಅನುಮೋದನೆ ನೀಡಲಾಗಿದೆ. ಅದರಂತೆ ಹಾಲಿ ಅಡಳಿತ ಪರಿಷ್ಕೃತ ಪರವಾನಿಗೆ ಶುಲ್ಕವನ್ನು ಉದ್ದಿಮೆದಾರರಿಗೆ ವಿಧಿಸುತ್ತಿದೆ. 1987ರಲ್ಲಿ ನಿಗದಿಪಡಿಸಲಾದ ಉದ್ದಿಮೆ ಪರವಾನಿಗೆ ಶುಲ್ಕವನ್ನು ಬಳಿಕ ಪರಿಷ್ಕರಿಸದೇ ಇರುವ ಬಗ್ಗೆ ವಾರ್ಷಿಕ ಲೆಕ್ಕ ತಪಾಸಣಾ ವರದಿಯಲ್ಲಿ ಆಕ್ಷೇಪಣೆ ದಾಖಲಾದ ಹಿನ್ನೆಲೆಯಲ್ಲಿ ಪರಿಷ್ಕರಣೆ ಮಾಡಲಾಗಿದೆ ಎಂದು ಸಪ್ಲಿಮೆಂಟರಿ ಅಜೆಂಡಾದಲ್ಲಿ ಅಧಿಕೃತವಾಗಿಯೇ ಸಮಜಾಯಿಷಿಕೆ ನೀಡಲಾಗಿದೆ.

ಇಲ್ಲಿ ಗಮನಿಸಬೇಕದ ವಿಶೇಷವೆಂದರೆ, ಉದ್ದಿಮೆ ಪರವಾನಿಗೆ ಶುಲ್ಕ ಪರಿಷ್ಕರಣೆಗೆ ಒಳಗದಾಗ, ಆ ಬಗ್ಗೆ ನಗರಸಭೆಯ ಸಾರ್ವಜನಿಕರ ಅವಗಾಹನೆಗಾಗಿ ಮತ್ತು ಆಕ್ಷೇಪಣೆಗಾಗಿ ಸೂಚನಾ ಫಲಕದಲ್ಲಿ ಪ್ರಕಟಿಸಿದ ಸಂದರ್ಭದಲ್ಲಿ ಕಾಂಗ್ರೆಸ್ ಮತ್ತು ಬಿಜೆಪಿಯ ಯಾವೊಬ್ಬ ಹಾಲಿ ಹಾಗೂ ಮಾಜಿ ನಗರಸಭಾ ಸದಸ್ಯರಾಗಲೀ ಆಕ್ಷೇಪ ವ್ಯಕ್ತಪಡಿಸಿದೇ ಇರುವುದು. ಅಂದು ಆಕ್ಷೇಪ ದಾಖಲಿಸದೇ ಇದ್ದ ಬಿಜೆಪಿ ಮತ್ತು ಅಂದು ಆಕ್ಷೇಪಿಸದೇ ಇದ್ದು, ಅದೇ ಪ್ರಕ್ರಿಯೆಯನ್ನು ಮುಮದುವರಿಸಿದ ಕಾಂಗ್ರೆಸ್ ಇಂದು ನಾವು ಉದ್ದಿಮೆದಾರರ
ಪರವಾಗಿದ್ದೇವೆ ಎಂಬಿತ್ಯಾದಿಯಾಗಿ ಹೇಳುವುದು ಮಾತ್ರ ಹಾಸ್ಯಾಸ್ಪದವಾಗಿದೆ.

ಉಡುಪಿಯಲ್ಲಿ ಜಿಲ್ಲಾ ವರ್ತಕರ ಸಂಘ ಮತ್ತು ಬಳಕೆದಾರರ ವೇದಿಕೆ ಇದ್ದು, ಇವುಗಳ ಸಹ ಉದ್ದಿಮೆ ಪರವಾನಿಗೆ ಶುಲ್ಕ ಏರಿಕೆ ಕ್ರಮದ ವಿರುದ್ಧ ಒಂದೇ ಒಂದು ಆಕ್ಷೇಪ ದಾಖಲಿಸದೇ ಇದೀಗ ವಿರೋಧಿಸುತ್ತಿರುವುದು ಮಾತ್ರ ವಿಪರ್ಯಾಸವೇ ಸರಿ.